ଦିସପୁର: ଗୌହାଟୀର ଲୋକପ୍ରିୟ ଗୋପିନାଥ ବୋର୍ଦୋଲୋଇ ଅନ୍ତର୍ଜାତୀୟ ବିମାନ ବନ୍ଦର ନିକଟରୁ 11 ନକଲି ସେନା ଅଧିକାରୀ ଗିରଫ । ମଙ୍ଗଳବାର ଦିନ ଗୌହାଟୀ ପୋଲିସ ସେମାନଙ୍କୁ ଗିରଫ କରିଛି । ଅଭିଯୁକ୍ତମାନଙ୍କ ନିକଟରୁ ଗୋଟିଏ ଚାରି ଚକିଆ ଯାନ ଏବଂ 4 ଟି ମୋଟର ସାଇକେଲ ଜବତ କରାଯାଇଛି ।
ଗୌହାଟୀ ଅନ୍ତର୍ଜାତୀୟ ବିମାନ ବନ୍ଦରରୁ 11 ନକଲି ସେନା ଅଧିକାରୀ ଗିରଫ - ଆସାମରେ ନକଲି ସେନା ଅଧିକାରୀ ଗିରଫ
ଆସାମ ଗୌହାଟୀ ଅନ୍ତର୍ଜାତୀୟ ବିମାନ ବନ୍ଦର ନିକଟରୁ 11 ନକଲି ସେନା ଅଧିକାରୀ ଗିରଫ । ଅଭିଯୁକ୍ତମାନେ ଏକାଧିକ ଅପରାଧିକ କାର୍ଯ୍ୟକଳାପ ସହ ଥିଲେ ଜଡିତ । ଅଧିକ ପଢନ୍ତୁ...
ଗୌହାଟୀ ଅନ୍ତର୍ଜାତୀୟ ବିମାନ ବନ୍ଦରରୁ 11 ନକଲି ସେନା ଅଧିକାରୀ ଗିରଫ
ଗୌହାଟୀ ଯୁଗ୍ମ କମିଶନରଙ୍କ କହିବାନୁଯାୟୀ, ଗତ ମାସେ ହେଲା ଅଭିଯୁକ୍ତମାନେ ସେନା ଅଧିକାରୀଙ୍କ ନକଲି ପରିଚୟ ପତ୍ର ସହ ସେନା ପୋଷାକ ପିନ୍ଧି ବିମାନ ବନ୍ଦର ନିକଟରେ ଘେରି ରହିଥିଲେ । ଏ ସମ୍ପର୍କରେ ପୋଲିସ ଖବର ପାଇ ଯାଞ୍ଚ କରିଥିଲା । ମଙ୍ଗଳବାର ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ଠାରୁ ସେନା ପୋଷାକ ଏବଂ ନକଲି ପରିଚୟ ପତ୍ର ସମେତ ଚାରିଟି ବାଇକ ଓ ଗୋଟିଏ କାର ଜବତ କରିଛି । ତେବେ ଅଭିଯୁକ୍ତମାନେ ଗୌହାଟୀରେ ନାନା ଅପରାଧିକ କାର୍ଯ୍ୟକଳାପ ସହ ଜଡିତ ଥିବା ଜଣାପଡିଛି । ଘଟଣାରେ ପୋଲିସ ଅଧିକ ଖୋଳତାଡ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ