ଶ୍ରୀନଗର: କାଶ୍ମୀରରେ 3 ବିଜେପି ନେତାଙ୍କ ହତ୍ୟା ପରେ ଅପରେସନକୁ ତ୍ବରାନ୍ବିତ କରିଛି ଭାରତୀୟ ସେନା । ତେବେ ରବିବାର ଘାଟିରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଘଟଣାରେ ଜଣେ ଆତଙ୍କବାଦୀ ନିହତ ହୋଇଥିବା ବେଳେ ଅନ୍ୟଜଣଙ୍କୁ ଭାରତୀୟ ସେନା ନିଜ କବଜାକୁ ନେଇଥିବା ଜଣାପଡିଛି ।
ରବିବାର ହୋଇଥିବା ଏହି ଅପରେସନରେ ଭାରତୀୟ ସେନାକୁ ମିଳିଛି ବଡ ସଫଳତା। ନିହତ ଆତଙ୍କବାଦୀ ଜଣଙ୍କ ହିଜବୁଲ ମୁଜାହିଦ୍ଦିନର ମୁଖ୍ୟ କମାଣ୍ଡର ନେଇ ସନ୍ଦେହ କରାଯାଉଥିବା ସୂଚନା ଦେଇଛନ୍ତି କାଶ୍ମୀର ଆଇଜି ।
କାଶ୍ମୀର ଆଇଜିଙ୍କ ସୂଚନା ଅନୁଯାୟୀ, ଗତ ରାତିରେ ଶ୍ରୀନଗରରେ ଏକ ଘରେ ଜଣେ ଆତଙ୍କବାଦୀ ଲୁଚି ରହିଥିବା ନେଇ ଖବର ମିଳିଥିଲା । ତେବେ ଉଭୟ ସିଆରପିଏଫ ଓ ଜାମ୍ମୁ କାଶ୍ମୀର ପୋଲିସ ମିଳିତ ଅପରେସନ ଚଳାଇଥିବା ବେଳେ ରବିବାର ଗୁଳିବିନିମୟ ହୋଇଥିଲା । ତେବେ ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଛି । ମୃତ ଆତଙ୍କବାଦୀ ଜଣକ ହିଜବୁଲ ମୁଜାହିଦ୍ଦିନର ମୁଖ୍ୟ କମାଣ୍ଡର ହୋଇଥିବା ସନ୍ଦେହ କରାଯାଉଛି ବୋଲି ନିଜ ପ୍ରତିକ୍ରିୟାରେ କହିଛନ୍ତି କାଶ୍ମୀର ଆଇଜି ।