ନୂଆଦିଲ୍ଲୀ: ଇସ୍ତଫା ଦେଇଥିବା 5 ବିଧାୟକଙ୍କୁ ଦଳରୁ ନିଲମ୍ବନ କଲା କଂଗ୍ରେସ । ରାଜ୍ୟସଭା ନିର୍ବାଚନ ପୂର୍ବରୁ ଗୁଜୁରାଟର ଇସ୍ତଫା ଦେଇଥିବା କଂଗ୍ରେସର 5 ବିଧାୟକଙ୍କୁ ସୋମବାର ଦଳରୁ ବହିଷ୍କାର କରାଯାଇଛି ।
ଗାଡାର ପ୍ରବୀଣ ମାରୁ, ଅବଦାସାରୁ ପ୍ରଦ୍ୟୁମାନସିନ୍ ଜାଡେଜା, ଲିମ୍ବଡିରୁ ସୋମା କୋଲି ପଟେଲ, ଧାରୀରୁ ଜେ.ଭି କାକାଡିଆ ଏବଂ ଡାଙ୍ଗରୁ ମଙ୍ଗଲ ଗାଭିଟ। ପାଞ୍ଚ ବିଧାୟକ ଦଳରୁ ବହିଷ୍କୃତ ହୋଇଛନ୍ତି । ଗୁଜୁରାଟ ବିଧାନସଭା ବାଚସ୍ପତି ରାଜେନ୍ଦ୍ର ତ୍ରିବେଦୀ ସୋମବାର ଦିନ ଗୃହକୁ ସୂଚନା ଦେଇଛନ୍ତି ଯେ ପାଞ୍ଚ ଜଣ କଂଗ୍ରେସ ବିଧାୟକ ଇସ୍ତଫା ଦେଇଛନ୍ତି ଏବଂ ସେ ସେମାନଙ୍କ ଇସ୍ତଫା ଗ୍ରହଣ କରିଛନ୍ତି।