5,300 ଆଞ୍ଚଳିକ ଖବର ସଂସ୍ଥାକୁ ଆର୍ଥିକ ସହାୟତା ଯୋଗାଇବ ଗୁଗୁଲ

ଭାରତରେ ଆଞ୍ଚଳିକ ଖବର ସଂସ୍ଥା ଯଥା ଇଷ୍ଟ ମୋଜୋ ଓ ମିନ୍ନାମ୍ବଲାମ ସମେତ ମୋଟ 53000 ସଂସ୍ଥାକୁ ଆପାତକାଳୀନ ଫଣ୍ଡ ଯୋଗାଇବ ଗୁଗୁଲ । ଏନେଇ କମ୍ପାନୀ ଘୋଷଣା କରିଛି ।

ନୂଆଦିଲ୍ଲୀ: ଭାରତରେ ଆଞ୍ଚଳିକ ଖବର ସଂସ୍ଥା ଯଥା ଇଷ୍ଟ ମୋଜୋ ଓ ମିନ୍ନାମ୍ବଲାମ ସମେତ ମୋଟ 53000 ସଂସ୍ଥାକୁ ଆପାତକାଳୀନ ଫଣ୍ଡ ଯୋଗାଇବ ଗୁଗୁଲ । ଏନେଇ କମ୍ପାନୀ ଘୋଷଣା କରିଛି । ଘୋଷଣା ମୁତାବକ କମ୍ପାନୀ ଏହି ସମସ୍ତ ଆଞ୍ଚଳିକ ସଂସ୍ଥା ଗୁଡିକୁ 5,000 ଡଲାରରୁ 30,000 ଡଲାର ବା 3.7 ଲକ୍ଷରୁ 22.7 ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ଯୋଗାଇବାର ନିଷ୍ପତ୍ତି ନେଇଛି ।

ଡିଜିଟାଲ ଖବର ସଂସ୍ଥା, ଇଷ୍ଟ ମୋଜୋକୁ ଗୁଗୁଲ ଦ୍ବାରା ମିଳିବାକୁ ଥିବା ଅର୍ଥରାଶିକୁ ସଂସ୍ଥା ଏହାର ସମ୍ବାଦଦାତାକୁ ଯୋଗାଇବାର ନିଷ୍ପତ୍ତି ନେଇଛି । ଏହାଦ୍ବାରା ଉତ୍ତର ଭାରତର ବିଭିନ୍ନ ଅପହଞ୍ଚ ଇଲାକାରେ କୋରୋନାର ପ୍ରଭାବକୁ ସମ୍ବାଦଦାତାମାନେ ଲୋକଙ୍କ ସାମ୍ନାକୁ ଆଣିପାରିବେ । ସେହିପରି ଚେନ୍ନାଇସ୍ଥିତ ତାମିଲ ପବ୍ଲିକେଶନ ମିନ୍ନାମ୍ବଲାମ କହିଛି କି ଏହି ସହାୟତା ଦ୍ବାରା ସଂସ୍ଥା ପୁଣି ଅଣ୍ଟା ସଳଖିବାର ନୂଆ ଆଶା ଓ ସାହସ ଫେରିପାଇଛି ।

କୋରୋନା ପ୍ରଭାବରେ ଖବର ସଂସ୍ଥା ସବୁଠାରୁ ଅଧିକ ଛାରଖାର ହୋଇଥିବା ଦେଖିବାକୁ ମିଳିଛି । ଅର୍ଥାଭାବ ଯୋଗୁଁ ଅନେକ ସଂସ୍ଥା ବନ୍ଦ କରିବାକୁ ବାଧ୍ୟ ହୋଇଥିବା ବେଳେ ଅନେକ ସଂସ୍ଥା ଲକଡାଉନ କଟକଣା ଯୋଗୁଁ ଭୋଗିଛି ଅନେକ କ୍ଷତି । ଏମିତିରେ ଆର୍ଥିକ ସହାୟତା ଯୋଗାଇବାକୁ ଗୁଗୁଲର ନିଷ୍ପତ୍ତିକୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ତେବେ ଗୁଗୁଲ ନ୍ୟୁଜ୍‌ ଇନିସିଏଟିଭ ଇନୋଭେଟିଭ ଗତ ମାସରେ ଏହି ପ୍ରୟାସତକୁ ଜର୍ଣ୍ଣାଲିଜିମ ଏମର୍ଜେନ୍ସି ରିଲିଫ ଫଣ୍ଡ ଆକାରରେ ଲଞ୍ଚ କରିଥିଲା ।

ଏହି ଖବର ପ୍ରକାଶ ପାଇବା ପରେ କମ୍ପାନୀକୁ ଦୁଇ ସପ୍ତାହ ମଧ୍ୟରେ 140 ଦେଶରୁ 12,000 ସଂସ୍ଥା ସହାୟତା ପାଇଁ ନିବେଦନ କରିଛନ୍ତି । ଏମାନଙ୍କ ମଧ୍ୟରୁ 90 ପ୍ରତିଶତ ସଂସ୍ଥାରେ 26 ଜଣରୁ କମ ଲୋକେ ରହିଥିବା ଜଣା ପଡିଛି ।

@IANS