ନୂଆଦିଲ୍ଲୀ: ଦୀର୍ଘ ଦିନ ଧରି AIIMSରେ ଚିକିତ୍ସିତ ହୋଉଥିବା ଗୋଲ୍ଡେନ ବାବାଙ୍କର 59 ବର୍ଷ ବୟସରେ ପରଲୋକ । ପୂର୍ବ ଦିଲ୍ଲୀର ଗାନ୍ଧୀ ନାଗର ନିବାସୀ ସୁଧୀର କୁମାର ମକ୍କଡ ଛଦ୍ମନାମ ଗୋଲଡେନ ବାବାଙ୍କର ଦୀର୍ଘ ଦିନର ଅସୁସ୍ଥତା ପରେ ମଙ୍ଗଳବାର ରାତିରେ ତାଙ୍କର ଦେହାନ୍ତ ଘଟିଛି ।
ଗୋଲ୍ଡେନ ବାବା ହରିଦ୍ୱାରର ଅନେକ ମଞ୍ଚ ସହିତ ଜଡିତ ଅଛନ୍ତି ଏବଂ ତାଙ୍କ ବିରୋଧରେ ଅନେକ ଅପରାଧିକ ମାମଲା ମଧ୍ୟ ରୁଜ୍ଜୁ କରାଯାଇଥିଲା। ଗୋଲ୍ଡେନ ବାବାଙ୍କ ପ୍ରକୃତ ନାମ ହେଉଛି ସୁଧୀର କୁମାର ମକ୍କଡ଼ । ସେ ମୂଳତଃ ଗାଜିଆବାଦର ବାସିନ୍ଦା ଥିଲେ । ସୁଧୀର କୁମାର ମକ୍କଡ଼ ସନ୍ୟାସୀ ହେବା ପୂର୍ବରୁ ଦିଲ୍ଲୀରେ ବସ୍ତ୍ର ବ୍ୟବସାୟ କରୁଥିଲେ । ତେବେ ତାଙ୍କ ପାପର ପ୍ରାୟଶ୍ଚିତ କରିବାକୁ ସୁଧୀର କୁମାର ମକ୍କଡ଼ ଗୋଲ୍ଡେନ ବାବା ହୋଇଥିଲେ।