ଗାନ୍ଧୀନଗର: 2002 ମସିହା ଗୁଜୁରାଟ ଗୋଧ୍ରା କାଣ୍ଡକୁ ନେଇ ଗଠିତ ନାନାବତୀ କମିଶନ ରିପୋର୍ଟର ଦ୍ବିତୀୟ ଭାଗ ବୁଧବାର ବିଧାନସଭାରେ ଉପସ୍ଥାପନ ହୋଇଛି । ଏଥିରେ ଗୁଜୁରାଟର ତତ୍କାଳୀନ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦିଙ୍କୁ କ୍ଲିନଚିଟ ମିଳିଛି । ଏହି କମିଟି 2008 ସେପ୍ଟେମ୍ବରରେ ଗୋଧ୍ରା କାଣ୍ଡର ପ୍ରାଥମିକ ରିପୋର୍ଟ ଉପସ୍ଥାପନ କରିଥିଲେ ।
ଗୋଧ୍ରା କାଣ୍ଡ: ଦୋଷମୁକ୍ତ ମୋଦି
ସୂଚନା ଥାଉକି, 2002 ଫେବୃଆରୀ 27 ସାବରମତୀ ଏକ୍ସପ୍ରେସରେ 59 ଜଣ କାରସେବାୟତଙ୍କୁ ନିଆଁ ଲଗାଇ ଜିଅନ୍ତା ଜାଳି ଦିଆଯାଇଥିଲା । ଘଟଣାର ପ୍ରତିକ୍ରିୟା ସ୍ବରୁପ ଗୁଜୁରାଟରେ ଦଙ୍ଗା ଆରମ୍ଭ ହୋଇଥିଲା । ଏହାର ଯାଞ୍ଚ ପାଇଁ 2002 ମାର୍ଚ୍ଚରେ ତତ୍କାଳୀନ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦି ସୁପ୍ରିମକୋର୍ଟରେ ସେବାନିବୃତ୍ତ ବିଚାରପତି ଜିଟି ନାନାବତୀଙ୍କ ଅଧ୍ୟକ୍ଷତାରେ ଏକ କମିଶନ ଗଠନ କରାଯାଇଥିଲା । ବିଚାରପତି କେଜି ଶାହ କମିଶନର ଦ୍ବିତୀୟ ସଦସ୍ୟ ଥିଲେ । 2009 ରେ ଶାହଙ୍କ ନିଧନ ହେବା ପରେ ଅକ୍ଷୟ ମେହତା ଏହି କମିଶନର ସଦସ୍ୟ ହେଲେ ।