ନୂଆଦିଲ୍ଲୀ: ଦୀର୍ଘ ଦିନରୁ ଅସୁସ୍ଥ ଥିବା ଗୋଆ ମୁଖ୍ୟମନ୍ତ୍ରୀ ମନୋହର ପାରିକର ରବିବାର 63 ବର୍ଷ ବୟସରେ ପରଲୋକ ଗମନ କରିଛନ୍ତି । ପାରିକରଙ୍କ ବିୟୋଗରେ ଦେଶରେ ଶୋକର ଛାୟା ଖେଳିଯାଇଥିବା ବେଳେ ସମସ୍ତ ଟପ୍ ଲିଡର ଟ୍ବିଟ କରି ସମବେଦନା ଜଣାଇଛନ୍ତି । ତେବେ କେନ୍ଦ୍ର ସରକାରଙ୍କ ପକ୍ଷରୁ ପାରିକରଙ୍କ ବିୟୋଗରେ ବଡ ଘୋଷଣା ହୋଇଛି ।
ଆସନ୍ତାକାଲି (ସୋମବାର) ପାରିକରଙ୍କ ବିୟୋଗରେ ଜାତୀୟ ଶୋକ ଦିବସ ପାଳନ ହେବ । ଏହା ସହିତ ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟଦା ସହିତ ପାରିକରଙ୍କର ଶେଷ ସତ୍କାର ସମ୍ପନ୍ନ ହେବ । ଏପରିକି ରାଜଧାନୀ ଦିଲ୍ଲୀ ସେମେତ ସମସ୍ତ ରାଜ୍ୟ ରାଜଧାନୀ ଏବଂ କେନ୍ଦ୍ର ଶାସିତ ଅଞ୍ଚଳରେ ଜାତୀୟ ପତାକା ଅର୍ଦ୍ଧନିମିତ ଉଡିବ ବୋଲି ସୂଚନା ମିଳିଛି ।