ହାଇଦ୍ରାବାଦ: ବିଶ୍ବରେ ମହାମାରୀ କୋରୋନାର ଆତଙ୍କ ଜାରିରହିଛି । କୋରୋନା କବଜାରେ ଥିବା ବିଭିନ୍ନ ଦେଶରେ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଏହି ମହାମାରୀ ଭାଇରସ ପ୍ରଭାବରେ ସାରା ବିଶ୍ବରେ ମୃତ୍ୟୁ ସଂଖ୍ୟା 27 ହଜାର ଟପି ଯାଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା 5,97,256ରେ ପହଞ୍ଚିଛି ।
ବିଶ୍ବର ସବୁଠୁ ଶକ୍ତିଶାଳୀ ଦେଶ ଆମେରିକା ମଧ୍ୟ କୋରୋନା କବଳରେ ରହିଛି । ଏଠାକେ କୋରୋନା ଆକ୍ରାନ୍ତଙ୍କ ସଂଖ୍ୟା 1 ଲକ୍ଷ ଟପିଯାଇଛି । ଏହାସହ ଆମେରିକା କୋରୋନା ପଜିଟିଭ ମାମଲାରେ ଚୀନ, ଇଟାଲୀ ଓ ସ୍ପେନକୁ ପଛରେ ପକାଇଁ ବିଶ୍ବର ସର୍ବାଧିକ କୋରୋନା ଆକ୍ରାନ୍ତ ଥିବା ଦେଶ ପାଲଟିଛି ।
ସେହିପରି ଇଟାଲୀରେ କୋରୋନା ପ୍ରଭାବରେ ଆକ୍ରାନ୍ତଙ୍କ ମୃତ୍ୟୁ ରେକର୍ଡ ଭାଙ୍ଗିଛି । ବର୍ତ୍ତମାନ ସ୍ଥିତିରେ କୋରୋନାର କେନ୍ଦ୍ର ପାଲଟିଥିବା ଇଟାଲୀରେ ଶୁକ୍ରବାର କେବଳ ଗୋଟିଏ ଦିନରେ ହିଁ 1000 ଲୋକଙ୍କ ମୃତ୍ୟ ହୋଇଛି । ଅନ୍ୟପକ୍ଷେ ଦକ୍ଷିଣ କୋରିଆରେ କୋରୋନା ଭାଇରସର 149ଟି ନୂଆ ମାମଲା ସାମ୍ନାକୁ ଆସିଛି । ଏହାସହ ବର୍ତ୍ତମାନ ସୁଦ୍ଧ ଦକ୍ଷିଣ କୋରିଆରେ 9478 ଜଣ କୋରୋନାରେ ଆକ୍ରାଥିବା ବେଳେ ଏଠାରେ ମୃତ୍ୟୁସଂଖ୍ୟା 144ରେ ପହଞ୍ଚିଛି ।