ନୂଆଦିଲ୍ଲୀ: ଜାଇସଲ କାଡିଲା ହେଲଥ୍ କେୟାର ଲିମିଟେଡକୁ କୋରୋନା ମୁକାବିଲା ପାଇଁ ସ୍ୱଦେଶୀ ଟିକାର ମାନବ ପରୀକ୍ଷଣ ପାଇଁ ମିଳିଲା ଅନୁମତି । ଏହାସହ କ୍ଲିନିକାଲ ପରୀକ୍ଷା କରିବାକୁ ଅନୁମତି ଦେଇଛି ଡିସିଜିଆଇ । ଅହମ୍ମଦାବାଦ ସ୍ଥିତ ଜାଇସଲ କାଡିଲା ହେଲଥ୍ କେୟାର ଲିମିଟେଡକୁ ଏହି ଅନୁମତି ଦେଇଛି ଡ୍ରଗ କଣ୍ଟ୍ରୋଲର ଜେନେରାଲ ଅଫ୍ ଇଣ୍ଡିଆ (ଡିସିଜିଆଇ)। କୋରୋନା ମହାମାରୀ ସମୟରେ ବିଶେଷଜ୍ଞ କମିଟିର ସୁପାରିଶ ଏବଂ ଜରୁରୀକାଳୀନ ଚିକିତ୍ସା ଆବଶ୍ୟକତାକୁ ଦୃଷ୍ଟିରେ ରଖି ଏହି ଅନୁମତି ଦିଆଯାଇଛି ।
ଏକ ସରକାରୀ ସୂତ୍ରରୁ ଜଣାପଡିଛି ଯେ, ଡିସିଜିଆଇ ଡ. ବି.ଜୀ ସୋମାନୀ କୋରୋନା ଭାଇରସ ମୁକାବିଲା ପାଇଁ ଜାଇସଲ କାଡିଲା ହେଲଥ୍ କେୟାର ଲିମିଟେଡ୍ ଦ୍ବାରା ବିକଶିତ ଟିକା ପ୍ରାଣୀମାନଙ୍କ ଉପରେ ସଫଳ ପରୀକ୍ଷଣ ପରେ ମାନବ ଉପରେ ଏହାର ଦ୍ୱିତୀୟ ପର୍ଯ୍ୟାୟ କ୍ଲିନିକାଲ ପରୀକ୍ଷଣ କରିବାକୁ ଅନୁମତି ଦେଇଛନ୍ତି ।