ହାଇଦ୍ରାବାଦ: ଗ୍ରେଟର ହାଇଦ୍ରାବାଦ ମ୍ୟୁନିସପାଲ କର୍ପୋରେସନ ନିର୍ବାଚନରେ ବାଜି ମାରିବାକୁ ନିଜର ସମସ୍ତ ଶକ୍ତି ଲଗାଇଛି ଭାରତୀୟ ଜନତା ପାର୍ଟି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ହାଇଦ୍ରାବାଦ ଗସ୍ତ ପରେ ଶନିବାର ରାଜଧାନୀର ମଲକାଜଗିରିରେ ରୋଡ ଶୋ କରିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଏହି ଅବସରରେ ହାଇଦ୍ରାବାଦକୁ ଭାଗ୍ୟନଗରରେ ପରିବର୍ତ୍ତିତ କରିବା ପାଇଁ ଏଠାକୁ ଆସିଥିବା କହିଛନ୍ତି ଯୋଗୀ ।
ଓୱେସୀଙ୍କ ଗଡରେ ଗର୍ଜିଲେ ଯୋଗୀ, 'ହାଇଦ୍ରାବାଦ ହେବ ଭାଗ୍ୟନଗର'
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଗସ୍ତ ପରେ ଶନିବାର ଯୋଗୀ ଆଦିତ୍ୟନାଥ ଜିଏଚଏମସି ନିର୍ବାଚନରେ ପ୍ରଚାର ମୈଦାନକୁ ଓହ୍ଲାଇଛନ୍ତି । ଯୋଗୀ ଆଦିତ୍ୟନାଥଙ୍କ ହାଇଦ୍ରାବାଦ ଆଗମନରେ ସହରବାସୀ ଜୋରଦାର ସ୍ବାଗତ କରିଛନ୍ତି । ଏହା ସହ ଜୟ ଶ୍ରୀରାମ ଓ ବନ୍ଦେମାତରମର ନାରାରେ ପ୍ରକମ୍ପିତ ହୋଇଛି ସମ୍ପୂର୍ଣ୍ଣ ହାଇଦ୍ରାବାଦ ସହର ।