ହାଇଦ୍ରାବାଦ: ଭଗବାନଙ୍କ ସୃଷ୍ଟି ବି ଅଜବ । ଦୁନିଆରେ କିଛି ଲୋକ ଅଛନ୍ତି ଯିଏ ମାରପିଟ କରି ଲୋକଙ୍କର ସର୍ବସ୍ବ ଲୁଟିନେଉଥିବାବେଳେ, ଆଉ କିଛି ଲୋକ ଅଛନ୍ତି ଯିଏ ଭଗବାନ ସ୍ବରୂପ କାମ କରିଥାନ୍ତି । ଆଉ ଦୁନିଆରେ ଯେପରି କେହି ଭୋକ ପେଟରେ ନ ଶୁଏ ସେଥିପାଁଇ ଦିନରାତି ଏକ କରି ଭୋକିଲା ପେଟରେ ଦାନା ଦେଇଥାନ୍ତି । ସେହିଭଳି ଜଣେ ବ୍ୟକ୍ତିତ୍ବ ହେଉଛନ୍ତି ତେଲେଙ୍ଗାନାର ହାଇଦ୍ରାବାଦରେ ରହୁଥିବା ଗୌତମ କୁମାର ।
ଗୌତମ କୁମାର ଗୋଟିଏ ଦିନରେ ଏକ ହଜାରରୁ ଉର୍ଦ୍ଧ୍ବ ଗରିବଙ୍କୁ ଖାଇବାକୁ ଦେଇ ବିଶ୍ବ ରେକର୍ଡ କରିଛନ୍ତି । ଗୌତମଙ୍କର ଏକ ଏନଜିଓ ରହିଛି । ତେବେ ଗୌତମ ରବିବାର 3ଟି ଭିନ୍ନ ଭିନ୍ନ ସ୍ଥାନରେ ଗରିବଙ୍କୁ ଖାଇବାକୁ ଦେବାର ଯୋଜନା କରିଥିଲେ । ଏହା ଦ୍ବାରା ସେ ଅନେକ ଭୋକିଲାଙ୍କ ପେଟ ଭରିବାରେ ସକ୍ଷମ ହୋଇପାରିଛନ୍ତି । ଖାଲି ବିଶ୍ବ ରେକର୍ଡରେ ନୁହେଁ ତାଙ୍କ ନାଁ ୟୁନିଭର୍ସାଲ ବୁକ ଅଫ ରେକର୍ଡରେ ସ୍ଥାନ ପାଇଛି ।