ଶହୀଦ କର୍ଣ୍ଣଲ ସନ୍ତୋଷ ବାବୁଙ୍କ ପତ୍ନୀଙ୍କୁ ଉପଜିଲ୍ଲାପାଳ ଭାବେ ନିଯୁକ୍ତି

ଗଲୱାନ ଘାଟିରେ ଶହୀଦ ହୋଇଥିବା କର୍ଣ୍ଣଲ ସନ୍ତୋଷ ବାବୁଙ୍କ ପତ୍ନୀଙ୍କୁ ତେଲେଙ୍ଗାନା ସରକାର ଉପଜିଲ୍ଲାପାଳ ଭାବରେ ନିଯୁକ୍ତ କରିଛନ୍ତି।

ହାଇଦ୍ରାବାଦ: ଗଲୱାନ ଘାଟିରେ ଭାରତ ଚୀନ ମୁହାଁମୁହିଁ ଘଟଣାରେ କର୍ଣ୍ଣଲ ସନ୍ତୋଷ ବାବୁଙ୍କ ସମେତ 20 ଜଣ ଭାରତୀୟ ଯବାନ ଶହୀଦ ହୋଇଛନ୍ତି । ଏଭଳି ସମୟରେ ଦେଶ ପାଇଁ ଜୀବନ ଦେଇଥିବା ଏହି ବୀର ଯବାନଙ୍କ ପରିବାରର ପ୍ରାଥମିକତା ଗୁରୁତ୍ବପୂର୍ଣ୍ଣ ଅଟେ । ତେବେ ଗଲୱାନ ଘାଟିରେ ଶହୀଦ ହୋଇଥିବା କର୍ଣ୍ଣଲ ସନ୍ତୋଷ ବାବୁଙ୍କ ପତ୍ନୀଙ୍କୁ ତେଲେଙ୍ଗାନା ସରକାର ଉପଜିଲ୍ଲାପାଳ ଭାବରେ ନିଯୁକ୍ତ କରିଛନ୍ତି।

ଏନେଇ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଘୋଷଣା କରିଛନ୍ତି । କର୍ଣ୍ଣେଲ ସନ୍ତୋଷଙ୍କ ପତ୍ନୀଙ୍କୁ ସୂର୍ଯ୍ୟପେଟ ଜିଲ୍ଲାର ଡେପୁଟି କଲେକ୍ଟର ଭାବେ ନିଯୁକ୍ତି କରାଯାଇଛି । ତେବେ ତେଲେଙ୍ଗାନା ସରକାରଙ୍କ ଏହି ନିଷ୍ପତ୍ତି ଅତ୍ୟନ୍ତ ପ୍ରଶଂସନୀୟ ଅଟେ ।

ପ୍ରକାଶ ଥାଉକି, କର୍ଣ୍ଣଲ ସନ୍ତୋଷ ବାବୁ ବିହାର ରେଜିମେଣ୍ଟର କମାଣ୍ଡିଙ୍ଗ୍ ଅଫିସର ଥିଲେ । କର୍ଣ୍ଣଲ ସନ୍ତୋଷ ବାବୁ ତେଲେଙ୍ଗାନାର ସୂର୍ଯ୍ୟକୋଟର ବାସିନ୍ଦା ଥିଲେ। ତେବେ ତେଲେଙ୍ଗାନା ସରକାର ତାଙ୍କ ପତ୍ନୀଙ୍କୁ ଡେପୁଟି କଲେକ୍ଟର ଭାବରେ ଚାକିରି ଦେବା ସହ ତାଙ୍କ ପରିବାରକୁ 5 କୋଟି ଟଙ୍କା କ୍ଷତିପୂରଣ ମଧ୍ୟ ଦେଇଛନ୍ତି।