ନୂଆଦିଲ୍ଲୀ : ଭାରତର ପ୍ରତିରକ୍ଷା ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ବିବେଚନା କରାଯାଉଥିବା ରାଫେଲ ଯୁଦ୍ଧବିମାନ ଠିକ୍ ସମୟରେ ଅର୍ଡର ମୁତାବକ ଯୋଗାଇ ଦିଆଯିବ ଏଥିରେ କୌଣସି ବିଳମ୍ବ ହେବ ନାହିଁ ବୋଲି ଫ୍ରାନ୍ସ ସ୍ପଷ୍ଟ କରିଛି ।
ଫ୍ରାନ୍ସ ରାଷ୍ଟ୍ରଦୂତ ଏମାନୁୟେଲ ଲେନାଇନଙ୍କ ଅନୁସାରେ ୩୬ଟି ବିମାନ ଲାଗି ଭାରତ ରାଜିନାମା କରିଛି । ଧାର୍ଯ୍ୟ ସମୟ ମୁତାବକ ଭାରତକୁ ଏହି ସବୁ ବିମାନ ଯୋଗାଇ ଦିଆଯିବ ବୋଲି ସୂଚନା ଦେଇଛନ୍ତି ।
ରାଫେଲ ବିମାନ କ୍ରୟ ପାଇଁ ସେପ୍ଟେମ୍ବର 2016 ରେ ଭାରତ ସରକାର ଏବଂ ଫ୍ରାନ୍ସ ମଧ୍ୟରେ ଏହି ଚୁକ୍ତିନାମା ସ୍ବାକ୍ଷରିତ ହୋଇଥିଲା । ଏହି ଚୁକ୍ତିନାମା ଅନୁଯାୟୀ ଭାରତ 58000 କୋଟି ମୂଲ୍ୟରେ 36 ଟି ରାଫେଲ ଯୁଦ୍ଧ ବିମାନ କିଣିବ ।
ରାଫେଲ ଯୁଦ୍ଧ ବିମାନ ଚଳିତ ବର୍ଷ ଜୁଲାଇ ଶେଷ ସୁଦ୍ଧା ଫ୍ରାନ୍ସରୁ ଭାରତରେ ପହଞ୍ଚିବା ଆରମ୍ଭ କରିବ। । ଜୁଲାଇ ଶେଷ ସୁଦ୍ଧା ଫ୍ରାନ୍ସରୁ 4 ଟି ବିମାନର ପ୍ରଥମ ବ୍ୟାଚ୍ ଭାରତରେ ପହଞ୍ଚିବ।
ବିମାନଟି ପ୍ରଥମେ ମେ ମାସ ଶେଷ ସୁଦ୍ଧା ଭାରତକୁ ଆସିଥିଲା, କିନ୍ତୁ କୋରୋନା କାରଣରୁ ଏହାକୁ ଦୁଇମାସ ସ୍ଥଗିତ ରଖାଯାଇଥିଲା । ଏହି ବିମାନଗୁଡ଼ିକ ପଞ୍ଜାବର ଅମ୍ବାଲା ଏୟାରବେସରେ ଅବତରଣ କରିବ ।