ଚେନ୍ନାଇ: ସୋମବାର ତାମିଲନାଡୁରେ ଦୁଇ ଶିଶୁଙ୍କ ସମେତ ପରିବାରର ଚାରିଜଣ ସଦସ୍ୟଙ୍କ ମୃତଦେହ ମିଳିଛି। ପ୍ରାଥମିକ ଅନୁସନ୍ଧାନରୁ ଏହି ପରିବାର ଲୋକ ସୁଇସାଇଡ୍ କରିଥିବା ଜଣା ପଡୁଥିବାବେଳେ ଘଟଣାସ୍ଥଳରୁ ଏଯାବତ କୌଣସି ସୁଇସାଇଡ୍ ନୋଟ୍ ମିଳିନାହିଁ ବୋଲି ପୋଲିସ କହିଛି । ତେବେ ଏଭଳି ଦୁଃଖଦ ଘଟଣା ତାମିଲନାଡ଼ୁର ଥାନଜାଭୁର ସହରରେ ଘଟିଛି । ଏହି ଘଟଣାରେ ଜଣେ 50 ବର୍ଷୟା ମହିଳା, ତାଙ୍କ ଝିଅ, ଦୁଇ ନାତି ଏବଂ ଗୃହପାଳିତ ପଶୁ ସମେତ ପରିବାରର ଚାରିଜଣ ସଦସ୍ୟଙ୍କ ମୃତଦେହ ମିଳିଛି ବୋଲି ଜଣେ ଅଧିକାରୀ ସୋମବାର କହିଛନ୍ତି ।
ତେବେ ମୃତ ଦୁଇ ମହିଳାଙ୍କ ନାମ ଶାନ୍ତି ଏବଂ ତୁଲାସୀ ଦେବୀ ବୋଲି ଜଣାପଡିଛି । ମୃତକଙ୍କ ମଧ୍ୟରେ ଶାନ୍ତି ଦେବୀଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିବାବେଳେ ଦୁଇ ନାତି ନାତୁଣୀଙ୍କ ମୃତ୍ୟୁ ବିଷ ପିଇବା ଦ୍ବାରା ହୋଇଛି ବୋଲି ଜଣାପଡିଛି । ଏପରିକି ଦୁଇ ପୋଷା କୁକୁରଙ୍କୁ ମଧ୍ୟ ବିଷ ଦିଆଯାଇଛି । ତେବେ କିଛି ଦିନ ଧରି ଘରୁ କେହି ନ ବାହାରିବାରୁ ଘରମାଲିକ ପୋଲିସକୁ ଖବର ଦେଇଥିଲେ ।