ଅମରାବତୀ: ନିର୍ବାଚନ ପାଖେଇ ଆସୁଥିବାରୁ ବର୍ତ୍ତମାନଦେଶବ୍ୟାପି ଦଳ ଡ଼ିଆଁ ପ୍ରତିଯୋଗିତା ଆରମ୍ଭ ହୋଇଗଲାଣି। ଏହି କ୍ରମରେ ପୂର୍ବତନ କେନ୍ଦ୍ରମନ୍ତ୍ରୀ ଭି. କିଶୋର ଚନ୍ଦ୍ର ଦେଓ ନିଜ ଦଳ କଂଗ୍ରେସକୁ ବାଏ ବାଏ କହିଛନ୍ତି। ଦଳ ଛାଡିବା ପରେ ଗତ ରବିବାର ସେ ଆନୁଷ୍ଠାନିକ ଭାବେ ଆଞ୍ଚଳିକ ଦଳ ତେଲୁଗୁ ଦେଶମ ପାର୍ଟିରେ(ଟିଡିପି)ଯୋଗ ଦେଇଛନ୍ତି।
ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁଙ୍କ ଉପସ୍ଥିତିରେ ଭି କିଶୋରଚନ୍ଦ୍ର ଦେଓତଥା ଟିଡିପି ଯୋଗ ଦେଇଛନ୍ତି।ତାଙ୍କୁ ମୁଖ୍ୟମନ୍ତ୍ରୀଙ୍କ ସମେତ ବିଜୟନଗରମ ଏବଂ ବିଶାଖାପାଟନମ ଜିଲ୍ଲାରକର୍ମକର୍ତ୍ତା ଭବ୍ୟ ସ୍ୱାଗତ ଜଣାଇଛନ୍ତି। ଜଣେ ବରିଷ୍ଠ ନେତା ଦଳରେ ସାମିଲ ହେବା ପରେ ଚଳଚଞ୍ଚଳ ହୋଇ ଉଠିଛି ଟିଡିପି କ୍ୟାମ୍ପ। ତାଙ୍କର ଯୋଗଦାନ ଫଳରେ ଉତ୍ତର ଉପକୂଳ ଆନ୍ଧ୍ରରେ ଟିଡିପି ଦଳୀୟ ସଙ୍ଗଠନ ଆହୁରି ମଜବୁତ ହେବା ନେଇ ଆଶା କରାଯାଉଛି।