ନୂଆଦିଲ୍ଲୀ: ଭାରତୀୟ ଜନତା ପାର୍ଟୀର ସମସ୍ତ ନେତା ଦିଲ୍ଲୀ ବିଧାନସଭା ନିର୍ବାଚନ ପ୍ରଚାର ଅଭିଯାନରେ ଜୋରସୋରରେ ଲାଗିପଡିଛନ୍ତି । ବିଜେପି ଶାସିତ ମନ୍ତ୍ରୀ ଓ ହେଭିୱେଟ ମାନେ ମଧ୍ୟ ଦଳୀୟ ପ୍ରଚାରରେ ଲାଗିପଡିଛନ୍ତି । ଏହି କ୍ରମରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଦିଲ୍ଲୀରେ ଜନସଭା ଓ ପଦଯାତ୍ରା କରୁଛନ୍ତି । ଫଡନାଭିସ ଲକ୍ଷ୍ମୀ ନଗର ବିଧାନସଭାର ଦଳୀୟ ପ୍ରାର୍ଥୀ ଅଭୟ ବର୍ମାଙ୍କ ସମର୍ଥନ ପାଇଁ ପଦଯାତ୍ରା କରିଛନ୍ତି ।
ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ ଦିଲ୍ଲୀ ନିର୍ବାଚନ ପ୍ରଚାର ସମୟରେ ରାଗିଗଲେ
"ଦିଲ୍ଲୀ ବିଧାନସଭା ନିର୍ବାଚନରେ ବିଜେପିକୁ ଜନସମର୍ଥନ ମିଳୁଛି, ଦିଲ୍ଲୀ ଜନସାଧାରଣ ଏଥର ସରକାର ପରିବର୍ତ୍ତନ କରିବା ପାଇଁ ନିଶ୍ଚିତ ମନ କରିସାରଛନ୍ତି ବୋଲି ଫଡନାଭିସ କହିଛନ୍ତି । ସେ ଦିଲ୍ଲୀର ସମସ୍ତ ଗଳିକନ୍ଦିରେ ପ୍ରଚାର କରୁଛନ୍ତି କିନ୍ତୁ ଏଠାରେ କୌଣସି ବିକାଶ କାର୍ଯ୍ୟ ଦେଖାଯାଉନାହିଁ' ବୋଲି କହିଛନ୍ତି। କେଜ୍ରିୱାଲ ସରକାର ଗତ ପାଞ୍ଚବର୍ଷରେ ଉନ୍ନୟନମୂଳକ କାର୍ଯ୍ୟ କରିପାରିନାହିାଁନ୍ତି ବୋଲି ସେ କଟାକ୍ଷ କରିଛନ୍ତି ।