ବିବାହ କାର୍ଡରେ ମୋଦିଙ୍କୁ ଭୋଟ ଦେବାକୁ ଅପିଲ

ବିବାହ କାର୍ଡରେ ମଧ୍ୟ ଭୋଟ ଅପିଲ। ହାଇଦ୍ରାବାଦର ଜଣେ ଇଞ୍ଜିନିୟର ତାଙ୍କ ବିବାହ କାର୍ଡକୁ ଏକ ଅଭିନବ ଉପାୟରେ ବନେଇଛନ୍ତି। ଆସନ୍ତା ଲୋକସଭା ନିର୍ବାଚନରେ ମୋଦିଙ୍କୁ ଭୋଟ ଦେବା ପାଇଁ ସେ ନିମନ୍ତ୍ରଣ ଦେଇଥିବା ଅତିଥିଙ୍କୁ ନିବେଦନ କରିଛନ୍ତି।

ହାଇଦ୍ରାବାଦ: ଆଗକୁ ଆସୁଛି ଲୋକସଭା ନିର୍ବାଚନ। ଭୋଟ ପାଇଁ ପ୍ରଚାର ପାଇଁ ଏବେ ରାଜନୈତିକ ଦଳକୁ ଛାଡି ବିବାହ କାର୍ଡରେ ମଧ୍ୟ ଭୋଟ ପାଇଁ ନିବେଦନ କରାଗଲାଣି । ହାଇଦ୍ରାବାଦର ଜଣେ ଇଞ୍ଜିନିୟର ତାଙ୍କ ବିବାହ କାର୍ଡକୁ ଏକ ଅଭିନବ ଉପାୟରେ ବନେଇଛନ୍ତି। ଯାହା ମାଧ୍ୟମରେ ସେ ପ୍ରଧାନମନ୍ତ୍ରୀ ମୋଦିଙ୍କୁ ଭୋଟ ଦେବା ପାଇଁ ବିବାହରେ ସାମିଲ ହେବାକୁ ନିମନ୍ତ୍ରଣ ଦେଇଥିବା ଅତିଥିଙ୍କୁ ନିବେଦନ କରିଛନ୍ତି।

ହାଇଦ୍ରାବାଦର ମୁକେଶ ରାଓ ୟାଣ୍ଡେ ପ୍ରଧାନମନ୍ତ୍ରୀ ମୋଦିଙ୍କର ଜଣେ ବଡ ସମର୍ଥକ। ତେଣୁ ତାଙ୍କ ବିବାହ ଉତ୍ସବରେ କିଛି ଦାମି ଉପହାର ନ ଚାହିଁ ମୋଦିଙ୍କ ପାଇଁ ଭୋଟ ମାଗିଛନ୍ତି। ଫେବୃୟାରୀ 21 ତାରିଖରେ ରହିଛି ମୁକେଶଙ୍କ ବିବାହ। ଏଥିପାଇଁ ଛପା ସରିଛି ପ୍ରାୟ 600 ନିମନ୍ତ୍ରଣ କାର୍ଡ। କାର୍ଡର ପ୍ରଥମ ପୃଷ୍ଠାଟି ସାଧାରଣ ବିବାହ କାର୍ଡ ଭଳି ରହିଥିବା ବେଳେ ଭିତରେ ରହିଛି ବିଜେପିର ଦଳୀୟ ଚିହ୍ନ ପଦ୍ମ ରହିଛି।

ଯଦିଓ ପରିବାର ଲୋକ ଏପରି କାର୍ଡ ନକରିବା ପାଇଁ କହୁଥିଲେ। ହେଲେ ପରବର୍ତ୍ତୀ ମୂହୁର୍ତ୍ତରେ ମୁଁ ସେମାନଙ୍କୁ ରାଜି କରାଇଥିବା ମୁକେଶ କହିଛନ୍ତି। ଗତମାସରେ ଗୁଜୁରାଟର ଏକ ଦମ୍ପତି ରାଫେଲ ମାମଲାକୁ ନେଇ ନିଜ ବିବାହ କାର୍ଡ ବନାଇ ଚର୍ଚ୍ଚାରେ ଆସିଥିଲେ। ଏହି କାର୍ଡ ମଧ୍ୟ ନରେନ୍ଦ୍ର ମୋଦିଙ୍କ ନିକଟରେ ପହଞ୍ଚିଥିଲା। ପ୍ରଧାନମନ୍ତ୍ରୀ ସେମାନଙ୍କୁ ଆର୍ଶୀବାଦ ଦେଇଥିଲେ।