ହାଇଦ୍ରାବାଦ: ବର୍ତ୍ତମାନ ସମୟରେ ଅନଲାଇନ୍ ସପିଂ ଲୋକଙ୍କ ମଧ୍ୟରେ ଏକ କ୍ରେଜ୍ ପାଲଟିଛି । ଏହାଦ୍ବାରା ଆମେ ନିଜ ସମୟ ବଞ୍ଚାଇବା ସହ ମଲ୍ ଅପେକ୍ଷା ଅଧିକ ଟଙ୍କା ସେଭ୍ ମଧ୍ୟ କରିଥାଉ । କେବଳ ସେତିକି ନୁହେଁ ଏଠାରେ ଆମକୁ ବିଭିନ୍ନ ବ୍ରାଣ୍ଡର ଜିନିଷ ମଧ୍ୟ ଖୁବ୍ ସହଜରେ ମିଳିଥାଏ । କିନ୍ତୁ ଅନଲାଇନ୍ ସପିଂ କରିବା ସମୟରେ କିଛି ଜିନିଷକୁ ଧ୍ୟାନରେ ରଖିବା ଅତ୍ୟନ୍ତ ଜରୁରୀ ହୋଇପଡିଛି । ନଚେତ୍ ଏହା ଆପଣଙ୍କୁ ମହଙ୍ଗା ପଡିପାରେ ।
ଏସବୁ ବିଷୟରେ ଦିଅନ୍ତୁ ଧ୍ୟାନ
ସପିଂ ସାଇଟରେ ସାମଗ୍ରୀ କିଣିବାବେଳେ ନିଶ୍ଚିତ କରନ୍ତୁ ଯେ ସାଇଟଟି ଭରସାଯୋଗ୍ୟ କି ନୁହଁ । ନଚେତ୍ ଆପଣ ଅନ୍ୟ ଏକ ସାଇଟରୁ ମଧ୍ୟ ସପିଂ କରିପାରିବେ । ଏହାସହ ଯେ କୌଣସି ସାମଗ୍ରୀ କିଣିବା ସମୟରେ ତା ସମ୍ପର୍କରେ ସମ୍ପୂର୍ଣ୍ଣ ବିବରଣୀ ପଢନ୍ତୁ । ପ୍ରଡକ୍ଟ ବିଷୟରେ ଅନ୍ୟ ଲୋକଙ୍କ ବିଭ୍ୟୁ ମଧ୍ୟ ଚେକ୍ କରନ୍ତୁ । ଯଦି ଅଧିକ ଗ୍ରାହକ ସାମଗ୍ରୀକୁ କମ୍ ରେଟିଙ୍ଗ ଦେଇଛନ୍ତି ତେବେ ତାହାକୁ ନକିଣିବା ହିଁ ଭଲ ।