ମହାରାଷ୍ଟ୍ରରେ ବନ୍ୟା ବିତ୍ପାତ, 29 ମୃତ

ବନ୍ୟାରେ ବେହାଲ ମହାରାଷ୍ଟ୍ର। ବର୍ତ୍ତମାନ ସୁଦ୍ଧା 29 ଜଣଙ୍କର ମୃତ୍ୟୁ ନେଇ ମିଳିଛି ସୂଚନା । ଏବେବି 6 ଜଣ ନିଖୋଜ ଥିବା ଜଣାପଡିଛି ।

ମୁମ୍ବାଇ: ବନ୍ୟାରେ ଜଳରେ ଭାସୁଛି ମାୟାନଗରୀ । ଜଳମଗ୍ନ ସାରା ରାଜ୍ୟ । ଉଦ୍ଧାରକାର୍ଯ୍ୟ ପାଇଁ ସଜାଗ ହୋଇଛି ପ୍ରଶାସନ । ବନ୍ୟାଞ୍ଚଳରେ ଏନଡିଆରଏଫ ଟିମ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଛନ୍ତି ।

ସାଙ୍ଗଲୀ ଜିଲ୍ଲାର 8 ହଜାର ଓ କୋହ୍ଲାପୁରରୁ 2 ହଜାର ବିପନ୍ନଙ୍କୁ ଉଦ୍ଧାର କରିଛି ଏନଡିଆରଏଫ । ଆଉ ସିରୋଲ ଅଞ୍ଚଳରେ ଏବେ ବି ଜାରି ରହିଛି ଉଦ୍ଧାରକାର୍ଯ୍ୟ । ବର୍ତ୍ତମାନ ସୁଦ୍ଧା ବନ୍ୟାରେ 29 ଜଣଙ୍କ ପ୍ରାଣହାନୀ ଘଟିଥିବା ସୂଚନା ରହିଛି ।

ଏବେ ବି 6 ଜଣଙ୍କ ମିଳୁନି ପତ୍ତା । ପୁନେ ଅଞ୍ଚଳରୁ 2ଲକ୍ଷ 85 ହଜାର ଲୋକଙ୍କୁ ସୁରକ୍ଷିତ ସ୍ଥାନାନ୍ତରିତ କରାଯାଇଛି । ମହାରାଷ୍ଟ୍ରର ବିଭିନ୍ନ ଅଞ୍ଚଳରେ ଏବେବି ଜଳବନ୍ଦୀ ହୋଇ ରହିଛନ୍ତି ଲୋକେ ।