ପାଲଘର ହତ୍ୟାକାଣ୍ଡ ମାମଲାରେ ଆଉ 5 ଗିରଫ

ମହାରାଷ୍ଟ୍ରର ପାଲଘର ଜିଲ୍ଲାରେ ସାଧୁଙ୍କୁ ଅମାନବୀୟ ଭାବରେ ହତ୍ୟା ମାମଲାରେ ପୋଲିସ 5 ଜଣଙ୍କୁ ଗିରଫ କରିଛି । ପୂର୍ବରୁ ଏହି ମାମଲାରେ ପୋଲିସ 115 ଜଣଙ୍କୁ ଗିରଫ କରିଥିଲା ଯେଉଁଥିରେ 9 ଜଣ ନାବାଳକ ରହିଛନ୍ତି । ଅଧିକ ପଢନ୍ତୁ...

ମୁମ୍ବାଇ: ସାଧୁକୁ ପିଟିପିଟି ହତ୍ୟା ମାମଲାରେ 5 ଗିରଫ । ମହାରାଷ୍ଟ୍ର ଅମାନବୀୟ ଭାବରେ ହତ୍ୟା କରିଥିବା ପାଲଘର ମାମଲାରେ ପୋଲିସ 5 ଜଣଙ୍କୁ ଗିରଫ କରି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛି । ପୂର୍ବରୁ ଏହି ମାମଲାରେ ପୋଲିସ 115 ଜଣଙ୍କୁ ଗିରଫ କରିଥିଲା ଯେଉଁଥିରେ 9 ଜଣ ନାବାଳକ ରହିଛନ୍ତି ।

ସୂଚନା ଥାଉକି ଗତ ମାସ 16 ତାରିଖରେ ଦୁଇ ଜଣ ସାଧୁ ଓ ତାଙ୍କ ଡ୍ରାଇଭର ମୁମ୍ବାଇର କାନ୍ଦିଭାଲିରୁ ଗୁଜୁରାଟ ଯାତ୍ରା କରୁଥିଲେ । ସେମାନଙ୍କୁ ମହାରାଷ୍ଟ୍ରର ପାଲଘର ଜିଲ୍ଲାରେ ଗୋଡଚିଞ୍ଚଲି ଗାଁରେ ଭିଡ ମଧ୍ୟରେ ପୋଲିସର ଉପସ୍ଥିତିରେ ଲୋକମାନେ ପିଟିପିଟି ଅମାନୁଷିକ ଭାବରେ ତିନି ଜଣଙ୍କୁ ହତ୍ୟା କରିଥିଲେ। ଏହି ଘଟଣା ସାରା ଦେଶକୁ ସ୍ତବ୍ଧ କରିଦେଇଛି । ଗ୍ରାମବାସୀ କୌଣସି ଗୁଜବର ବିଶ୍ବାସ ବଶବର୍ତ୍ତୀ ହୋଇ ଏ ଭଳି ଆକ୍ରମଣର ଶିକାର ହୋଇଥିବା ଆଶଙ୍କା କରାଯାଉଛି ।