ହାଇଦ୍ରାବାଦ: ତେଲେଙ୍ଗାନାର ୱାରାଙ୍ଗଲ ଜିଲ୍ଲାରେ ବୁଧବାର ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ 22 ରୁ 26 ବର୍ଷ ବୟସର ପାଞ୍ଚ ଜଣ ଯୁବକଙ୍କର ମୃତ୍ୟୁ ଘଟିଛି । ବୁଧବାର ସକାଳେ ଜିଲ୍ଲାର ଡାମେରା ମଣ୍ଡଳର ପାସାରାଗୋଣ୍ଡା କ୍ରସ ରୋଡରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି ।
ଏକ ବାଲି ବୋଝେଇ ଲୋରୀ ସହ ସେମାନଙ୍କ କାର ମୁହାଁମୁହିଁ ଧକ୍କା ହେବାଫଳରେ ଏହି ଦୁର୍ଘଟଣା ଘଟିଥିଲା । ତେବେ କାରରେ ଥିବା ସମସ୍ତ 5 ଯୁବକ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ । ମୃତକଙ୍କ ନାମ ମେକାଲା ପ୍ରବୀଣ, ମେକାଲା ରାକେଶ, ମେଦି ପୱନ, ରୋହିତ ଏବଂ ରହୀମ ବୋଲି ଜଣାପଡିଛି । ସମସ୍ତେ ୱାରାଙ୍ଗଲର ଥିଲେ |