ଅନ୍ତିମସଂସ୍କାର ପରେ ଗାଧୋଇବାକୁ ଯାଇ ବୁଡିଗଲେ 5ଜଣ

ଅନ୍ତିମସଂସ୍କାର ପରେ ପୋଖରୀରେ ଗାଧୋଉ ଥିବାବେଳେ ବୁଡିଗଲେ 5ଜଣ ।

ପାଟନା: ବିହାରର ପୂର୍ବ ଚମ୍ପାରଣ ଜିଲ୍ଲାରେ ଦୁଃଖଦ ଘଟଣା । ବୁଧବାର ସନ୍ଧ୍ୟାରେ ଅନ୍ତିମସଂସ୍କାର ପରେ ପୋଖରୀରେ ଗାଧୋଉଥିବାବେଳେ ବୁଡିଗଲେ 5ଜଣ । ସେମାନଙ୍କ ମଧ୍ୟରେ ଜଣେ ଯୁବକ ଓ 4 ଶିଶୁ ସାମିଲ ଅଛନ୍ତି ।

ସୂଚନାଥାଉକି, ଚକିୟା ନଗର ପଞ୍ଚାୟତର ଫୁଲଓ୍ବରିୟା ଗାଁରେ ଏପରି ଅଘଟଣ ଘଟିଛି । ନଗର ପଞ୍ଚାୟତର ଓ୍ବାର୍ଡ ନଂ2ରେ ରହୁଥିବା କୃଷ୍ଣ ଠାକୁରଙ୍କ ବୁଧବାର ଦିନ ମୃତ୍ୟୁ ହୋଇଥିଲା । ତାଙ୍କର ଅନ୍ତିମ ସଂସ୍କାର ପାଇଁ ଗାଁ ଲୋକେ ଯାଇଥିଲେ । ଶବସତ୍କାର ପରେ ପୋଖରୀରେ ଗାଧୋଉଥିବାବେଳେ 5ଜଣ ବୁଡିଗଲେ । ଗୁରୁବାର ଏନଡିଆରଏଫ ମୃତଦେହ ଉଦ୍ଧାର କରିଛି । ବର୍ଷା ଯୋଗୁଁ ପୋଖରୀର ପାଣି ସ୍ତର ଅଧିକ ଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ