ବେଙ୍ଗାଲୁରୁ:ସୋମବାର କର୍ଣ୍ଣାଟକ ଆରାକେରୀ ଚାନ୍ଦା ନିକଟ ଭୀମା ଥେରାର ମହାଦେବ ସାହୁକାରଙ୍କୁ ଆକ୍ରମଣ ହୋଇଛି । ଅପରାଧୀ ଗୋଷ୍ଠୀ ଟିପର ସାହାଯ୍ୟରେ ତାଙ୍କ କାରକୁ ଧକ୍କା ଦେବା ପରେ କାରରେ ନିଆଁ ଲଗାଇ ଦେଇଛନ୍ତି । ତେବେ ଏହି ଆକ୍ରମଣରେ ଡ୍ରାଇଭର ସମେତ ଦୁଇଜଣ ବ୍ୟକ୍ତି ମୃତ୍ୟୁବରଣ କରିଥିବା ବେଳେ ସାହୁକାର ଗୁରୁତର ଆହତ ହୋଇଥିବା ଜଣାପଡିଛି ।
ପ୍ରଖ୍ୟାତ ଅପରାଧୀ ମହାଦେବ ସାହୁକାର ଉପରେ ମରଣାନ୍ତକ ଆକ୍ରମଣ ମହାଦେବ ସାହୁକର ବିଜୟପୁର ଯାଉଥିବା ସମୟରେ ତାକୁ ଆକ୍ରମଣ ହୋଇଥିଲା । ଆକ୍ରମଣକାରୀମାନେ ତାଙ୍କ କାରକୁ ଧକ୍କା ଦେଇ ନିଆଁ ଲଗାଇବା ପରେ ପେଟ୍ରୋଲ ବୋମା ଫିଙ୍ଗିଥିଲେ ଏବଂ ପରେ ସେମାନେ ତାଙ୍କ କାରକୁ ଜେସିବି ସାହାଯ୍ୟରେ ଠେଲି ସାହୁକାରଙ୍କୁ ହତ୍ୟା କରିବାକୁ ଉଦ୍ୟମ କରିଥିଲେ । ତେବେ ସାହୁକାର ଗୁରୁତର ଆହତ ହୋଇଥିବା ଜଣାପଡିଛି । ଏହି ଆକ୍ରମଣରେ କାର୍ ଡ୍ରାଇଭର ଏବଂ ତାଙ୍କ ବଡିଗାର୍ଡ ମୃତ୍ୟୁ ବରଣ କରିଥିବା ସୂଚନା ମିଳିଛି ।
ପୋଲିସର ସୂଚନା ମୁତାବକ, 15ରୁ 20ଜଣ ବ୍ୟକ୍ତି ମହାଦେବ ସାହୁକାରକୁ ଆକ୍ରମଣ କରିବା ପାଇଁ ପୂର୍ବରୁ ଯୋଜନା ପ୍ରସ୍ତୁତ କରିଥିବା ପୋଲିସ ସନ୍ଦେହ କରିଛି । କାରଣ ସେମାନଙ୍କ ଆକ୍ରମଣ କରିବାର ପ୍ରକ୍ରିୟାରୁ ଏହା ସ୍ପଷ୍ଟ ବାରି ହୋଇପଡୁଛି । ଆକ୍ରମଣକାରୀମାନେ ପ୍ରଥମେ କାରକୁ ଧକ୍କା ଦେବା ପରେ ସେଲ ସହିତ ଆକ୍ରମଣ କରିବା ପାଇଁ ଟିପ୍ପର ବ୍ୟବସ୍ଥା କରିଛନ୍ତି । ଯଦି ଏଥିରେ ସେମାନେ ବିଫଳ ହୁଅନ୍ତି ତେବେ ସାହୁକାର କାରକୁ ଭାଙ୍ଗିବା ପାଇଁ ଜେସିବିର ବ୍ୟବସ୍ଥା କରିଛନ୍ତି । ଏହି ସମସ୍ତ ଘଟଣାକୁ ଲକ୍ଷ୍ୟ କରି ଆକ୍ରମଣ ପୂର୍ବରୁ ସଠିକ୍ ଉପାୟରେ ଆକ୍ରମଣକାରୀମାନେ ସମସ୍ତ ଯୋଜନା ପ୍ରସ୍ତୁତ କରିଥିବା ପୋଲିସ କହିଛି ।
ଘଟଣା ଘଟିବା ପରେ ପୋଲିସ ଓ ଉଚ୍ଚ ପଦସ୍ଥ ଅଧିକାରୀମାନେ ଘଟଣାସ୍ଥଳକୁ ଯାଇ ସାହୁକାରଙ୍କ କାରକୁ ଅନୁଧ୍ୟାନ କରିବା ସହ ଅଧିକ ତଦନ୍ତ ଜାରି ରଖିଥିବା ବିଜୟପୁରା ଜିଲ୍ଲା ଏସପି ଅନୁପମ ଅଗ୍ରୱାଲ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
