ଜୋତା କାରଖାନାରେ ଅଗ୍ନିକାଣ୍ଡ, ନିଆଁ ଲିଭାରେ 24 ଦମକଳ ଗାଡି ନିଯୋଜିତ

ଦିଲ୍ଲୀ ସ୍ଥିତ ନରେଲା ଜୋତା କାରଖାନାରେ ଭୟଙ୍କର ଅଗ୍ନିକାଣ୍ଡ। ଶନିବାର ବିଳମ୍ବିତ ରାତିରେ ନିଆଁ ଲାଗିଥିବାର ଜଣାପଡିଛି। ନିଆଁକୁ ଆୟତ୍ତ କରିବା ପାଇଁ 24ଟି ଦମକଳ ଗାଡି ନିୟୋଜିତ କରାଯାଇଛି।

ନୂଆଦିଲ୍ଲୀ: ନରେଲା ଜୋତା କାରଖାନାରେ ଭୟଙ୍କର ଅଗ୍ନିକାଣ୍ଡ । ଶନିବାର ବିଳମ୍ବିତ ରାତିରେ କାରଖାନାରେ ନିଆଁ ଲାଗିଥିବା ସୂଚନା ରହିଛି । ତେବେ ଅଗ୍ନିକାଣ୍ଡ ଏତେ ବ୍ୟାପକ ଥିଲା ଯେ ଘଟଣାସ୍ଥଳରେ 24ଟି ଦମକଳଗାଡି ନିୟୋଜିତ ହୋଇଥିଲେ ।

ଅଗ୍ନିକାଣ୍ଡ ହୋଇଥିବା ନେଇ କାରଖାନା ପକ୍ଷରୁ ରବିବାର ସୂଚନା ଦିଆଯାଇଛି। ଏ ଘଟଣାରେ କେହି ମୃତାହତ ହୋଇଥିବା ସୂଚନା ରହିଥିବା ବେଳେ ବର୍ତ୍ତମାନ କାରଖାନାରେ 2ଜଣ ଫସି ରହିଥିବା ଅନୁମାନ କରାଯାଉଛି । ନିଆଁର ପ୍ରକୋପ ଏତେ ଥିଲା ଯେ, ବିଲଡିଂର ତଳଭାଗ ଓ ଉପର ଦୁଇ ମହଲାକୁ ବ୍ୟାପି ଯାଇଥିଲା । ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା। ଗତ ଜାନୁଆରୀ 15 ତାରିଖରେ ନରେଲାର ଶିଳ୍ପାଞ୍ଚଳ ଅଞ୍ଚଳରେ ଅଗ୍ନିକାଣ୍ଡ ଘଟିଥିଲା। ସେ ସମୟରେ କାରଖାନାର 4 ମହଲା କୋଠା ନିଆଁ ଆଁକୁ ଚାଲିଆସିଥିଲା ।