ଗାନ୍ଧୀନଗର: ଗୁଜରାଟର ଅଲପଦ-ସୁରଟ ରାଜ୍ୟ ରାଜପଥରେ ଓଲଟିଲା ସିଲିଣ୍ଡର ବୋଝେଇ ହୋଇଥିବା ମିନି ଟ୍ରକ । ଫଳରେ ସମସ୍ତ ଏଲପିଜି ସିଲିଣ୍ଡରରେ ବିସ୍ଫୋରଣ ଘଟିଛି । ସେପଟେ ଦୁର୍ଘଟଣାସ୍ଥଳରେ ଥିବା ଏକ ସ୍କୁଲ ବସ, ଅଟୋ, ରିକ୍ସା ମଧ୍ୟ ଜଳିପୋଡି ପାଉଁଶ ହୋଇଯାଇଛି । ତେବେ ବସରେ ଥିବା ସମସ୍ତ 25 ଛାତ୍ରଛାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା ।
ସିଲିଣ୍ଡର ବୋଝେଇ ମିନିଟ୍ରକରେ ଅଗ୍ନିକାଣ୍ଡ, ଅଳ୍ପକେ ବର୍ତ୍ତିଲେ 25 ଛାତ୍ରଛାତ୍ରୀ - fire in a gas bottled truck gujrat surat
ଗୁଜରାଟର ଅଲପଦ-ସୁରଟ ରାଜ୍ୟ ରାଜପଥରେ ସିଲିଣ୍ଡର ବୋଝେଇ ମିନିଟ୍ରକ ଓଲଟି ଅଗ୍ନିକାଣ୍ଡ । ଅଳ୍ପକେ ବର୍ତ୍ତିଲେ 25 ସ୍କୁଲ ଛାତ୍ରଛାତ୍ରୀ । ଘଟଣାସ୍ଥଳରେ ଦମକଳ ଗାଡି ପହଞ୍ଚି ନିଆଁକୁ କାବୁ କରିଛି ।
ସିଲିଣ୍ଡର ଲଦା ମିନିଟ୍ରକରେ ଅଗ୍ନିକାଣ୍ଡ,
ଏହି ଅଗ୍ନିକାଣ୍ଡରେ କୌଣସି ମୃତାହତ ହୋଇନଥିବା ସୂଚନା ରହିଛି । ସେପେଟେ ସିଲିଣ୍ଡର ବୋଝେଇ ଟ୍ରକରେ ଅଗ୍ନିକାଣ୍ଡ ଏତେ ଭୟାବହ ଥିଲା ଯେ ନିକଟରେ ଥିବା ଅନ୍ୟ ତିନୋଟି ଗାଡିରେ ମଧ୍ୟ ନିଆଁ ଲାଗିଯାଇଥିଲା । ସିଲିଣ୍ଡର ଫାଟିବାବେଳେ ଅତ୍ୟଧିକ ଶବ୍ଦ ହେବାରୁ ସ୍ଥାନୀୟ ଲୋକେ ଭୟରେ ଏକଜୁଟ ହୋଇ ତୁରନ୍ତ ପୋଲିସ ଏବଂ ଅଗ୍ନିଶମ ବିଭାଗକୁ ଖବର ଦେଇଥିଲେ ।
ସିଲିଣ୍ଡର ଲଦା ମିନିଟ୍ରକରେ ଅଗ୍ନିକାଣ୍ଡ,
ସୂଚନା ପାଇ ସ୍ଥାନୀୟ ପୋଲିସ ସମେତ ଅଗ୍ନିଶମ ବିଭାଗର କର୍ମଚାରୀ, ଦମକଳଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଛି । ସେପଟେ ଅଲପଦ-ସୁରଟର ରାଜ୍ୟରାଜପଥକୁ ସମ୍ପୂର୍ଣ୍ଣ ଭାବେ ବନ୍ଦ କରିଦିଆଯାଇଛି । ସମସ୍ତ ଯାନବାହାନ ଅନ୍ୟ ରୁଟରୁ ଯାତାୟତ କରିବାକୁ ନିର୍ଦ୍ଦେଶ ଦିଆଯାଇଛି । ଅଲପଦରେ ଏଭଳି ଘଟଣାକୁ ଏକ ବଡ ଐତିହାସିକ ଘଟଣା ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରୁଛି ।