ଏଫଆର ଟାୱାର ଅଗ୍ନିକାଣ୍ଡ ଘଟଣା, 25କୁ ଛୁଇଁଲା ମୃତ୍ୟୁସଂଖ୍ୟା

ଢାକା ଏଫଆର ଟାୱାରରେ ଭୟାବହ ଅଗ୍ନିକାଣ୍ଡରେ ଜୀଅନ୍ତା ଜଳି ଯାଇଥିଲେ 13 ଜଣ । ଆଉ ଏହି ଅଘଟଣରେ ମୃତ୍ୟୁସଂଖ୍ୟା 25କୁ ଛୁଇଁଛି । ଏହି ଅଗ୍ନିକାଣ୍ଡରେ 70 ଜଣ ଗୁରୁତର ଆହତ ହୋଇଛନ୍ତି।

ଢାକା: ବାଲାଂଦେଶ ଏଫଆର ଟାୱାରଅଗ୍ନିକାଣ୍ଡଘଟଣାରେ 25 ଜଣଙ୍କର ମୃତ୍ୟୁ ଘଟିଥିବା ବେଳେ 70 ଜଣ ଗୁରୁତର ହୋଇଛନ୍ତି। ଢାକାର ବନାନୀ ଅଞ୍ଚଳରେ ଥିବା ଏହି ଟାୱାରରେ ଲାଗିଥିଲା ନିଆଁ।

ପ୍ରଥମେ ଟାୱାରର 6 ମହଲାରେ ଲାଗିଥିଲା ନିଆଁ । ଦେଖୁ ଦେଖୁ ନିଆଁ ସବୁ ମହଲାକୁ ବ୍ୟାପିଥିଲା। ଖବର ପାଇ ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବା ପାଇଁ ଚେଷ୍ଟା କରିଥିଲେ। ଦମକଳବାହିନୀର ପ୍ରାୟ 21ଟି ଗାଡି 4 ଘଣ୍ଟା ଧରି ନିଆଁ ଲିଭାଇବାରେ ନିୟୋଜିତ ଥିଲେ। ଘଟଣାସ୍ଥଳରୁ 13 ଜଣଙ୍କ ମୃତଦେହ ଉଦ୍ଧାର କରାଯାଇଥିଲା। ପରବର୍ତ୍ତୀ ସମୟରେ 12 ଜଣଙ୍କମୃତ୍ୟୁ ହୋଇଥିବା ସୂଚନା ମିଳିଛି ।

ଉଦ୍ଧାର କାର୍ଯ୍ୟ ଚାଲିଥିବା ବେଳେ ନିଆଁରେ ଫସିଥିବା କିଛି ଲୋକ କୋଠା ଉପରୁ ଡେଇଁ ଜୀବନ ବଞ୍ଚାଇବା ପାଇଁ ଚେଷ୍ଟା କରୁଥିବା ଦେଖିବାକୁ ମିଳିଥିଲା । ଏତେ ଉଚ୍ଚରୁ ପଡି ଅଧିକାଂଶ ପ୍ରାଣ ହରାଇଛନ୍ତି। ମୃତକଙ୍କ ମଧ୍ୟରେ ଅଧିକାଂଶ ଶ୍ରୀଲଙ୍କା ନାଗରିକ ଅଛନ୍ତି। ବାଲାଂଦେଶ ସରକାର ଅଗ୍ନିକାଣ୍ଡର ଯାଞ୍ଚ ପାଇଁ 4ଟି କମିଟି ଗଠନ କରିଛନ୍ତି । ହେଲେ ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ଜଣାପଡି ନାହିଁ।