ସିଗାରେଟ ନିଆଁରୁ ଟ୍ରେନରେ ଅଗ୍ନିକାଣ୍ଡ

ଟ୍ରେନରେ ଅଗ୍ନିକାଣ୍ଡ । ସିଗାରେଟରୁ ନିଆଁ ଲାଗିଥିବା ଜଣାପଡିଛି । ଆଗକୁ ପଢନ୍ତୁ...

ବେଙ୍ଗାଲୁରୁ:ଟ୍ରେନରେ ଲାଗିଲା ନିଆଁ । କର୍ଣ୍ଣାଟକ ଚିକ୍କାବନବରା ରେଳ ଷ୍ଟେସନରେ ଘଟିଛି ଏହି ଅଗ୍ନିକାଣ୍ଡ । ଟ୍ରେନଟି ଯଶୋବନ୍ତପୁରରୁ ରାଜସ୍ଥାନର ବିକାନିର ଯାତ୍ରା କରୁଥିଲା।

ଆଜି ହଠାତ ଏସି କମ୍ପାଟମେଣ୍ଟରୁ ଧୂଆଁ ଦେଖିବାକୁ ମିଳିଥିଲା । ରେଳ ଧାରଣାରେ କେହି ଜଣେ ସିଗାରେଟ ପକାଇଥିବାରୁ ନିଆଁ ଲାଗିଥିବା ଜଣାପଡିଛି । ଧିରେ ଧିରେ ଟ୍ରେନରେ ନିଆଁ ଲାଗି ଏସି କମ୍ପାଟମେଣ୍ଟକୁ ବ୍ୟାପିଥିଲା ।

ଖବର ପାଇ ରେଳ କର୍ମଚାରୀ ଏବଂ ଫାୟାର ଇଞ୍ଜିନ କର୍ମଚାରୀ ଘଟଣାସ୍ଥଳକୁ ଯାଇ ନିଆଁକୁ ଆୟତ୍ତ କରିଛନ୍ତି । ବର୍ତ୍ତମାନ ସୁଦ୍ଧା ଏଥିରେ ମୃତାହତଙ୍କ ବିଷୟରେ ଜଣାପଡିନାହିଁ ।