ଦିଲ୍ଲୀର ସରାୟ ରୋହିଲ୍ଲା ଅଞ୍ଚଳରେ ଭୟାବହ ଅଗ୍ନିକାଣ୍ଡ

ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଅଗ୍ନିକାଣ୍ଡ ଥମିବାର ନାଁ ଧରୁନାହିଁ। ଗତ ବର୍ଷ ଡିସେମ୍ବରରେ ଅନାଜ ମଣ୍ଡିରେ ହୋଇଥିବା ଅଗ୍ନିକାଣ୍ଡ ଘଟଣା ପରେ, ଏବେ ଏଠାକାର ସରାୟ ରୋହିଲ୍ଲା ଅଞ୍ଚଳରେ ଭୟାବହ ଅଗ୍ନିକାଣ୍ଡ ହୋଇଛି।

ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଥମିବାର ନାଁ ଧରୁନାହିଁ ଅଗ୍ନିକାଣ୍ଡ । ନିୟମିତ ବ୍ୟବଧାନରେ ଏଠାରେ ଘଟୁଛି ଏଭଳି ଘଟଣା । ଶୁକ୍ରବାର ଦିଲ୍ଲୀର ରୋହତକ ରୋଡର ସରାୟ ରୋହିଲ୍ଲା ଅଞ୍ଚଳରେ ଭୟାବହ ଅଗ୍ନିକାଣ୍ଡ ହୋଇଛି ।

ଏଠାରେ ଥିବା ଝୁମ୍ପୁଡିରେ ଖବର ନିଆଁ ଲାଗିଯାଇଥିବା ଜଣାପଡିଥିଲା । ଏ ଖବର ପାଇବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଏହାଯୋଗୁଁ ହୋଇଥିବା କ୍ଷୟକ୍ଷତି ସମ୍ପର୍କରେ କିଛି ଜଣାପଡିନାହିଁ।

ସରାୟ ରୋହିଲ୍ଲା ଅଞ୍ଚଳରେ ଅବୈଧ ଭାବେ ଗଢି ଉଠିଥିବା 67ଟି ଝୁମ୍ପୁଡି ଘରେ ନିଆଁ ଲାଗିଥିଲା । ଅଗ୍ନିକାଣ୍ଡ ସମ୍ପର୍କରେ ଖବର ମିଳିବା କ୍ଷଣି ଅଗ୍ନିଶମ ବିଭାଗର 5ଟି ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । କେଉଁ କାରଣରୁ ନିଆଁ ଲାଗିଛି ତାହାର ତଦନ୍ତ କରାଯାଉଛି । ସଟସର୍କିଟ କାରଣରୁ ନିଆଁ ଲାଗିଥିବା କୁହାଯାଉଛି । ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଅନୁମାନ କରାଯାଉଛି ।