ପାଟଣା:ବିହାର ବିଧାନସଭା ନିର୍ବାଚନ ପୂର୍ବରୁ ଆରଜେଡି(ରାଷ୍ଟ୍ରୀୟ ଜନତା ଦଳ)କୁ ଝଟକା । ଆରଜେଡି ନେତା ତେଜସ୍ବୀ ଯାଦବ ଓ ତେଜ ପ୍ରତାପ ଯାଦବଙ୍କ ସହିତ ଦଳର 6 ନେତାଙ୍କ ବିରୋଧରେ FIR ରୁଜୁ ହୋଇଛି । ଦଳର ପୂର୍ବ ଏସସି ଓ ଏସଟି ଶାଖା ସଚିବ ଶକ୍ତି ମଲ୍ଲିକଙ୍କ ହତ୍ୟା କରିବାର ଷଡଯନ୍ତ୍ର ରଚିଥିବା ଅଭିଯୋଗରେ ସେମାନଙ୍କ ବିରୋଧରେ FIR ରୁଜୁ ହୋଇଛି ।
ରବିବାର ଶକ୍ତି ମଲ୍ଲିକଙ୍କ ହତ୍ୟା କରାଯାଇଥିବାବେଳେ ତାଙ୍କ ପତ୍ନୀଙ୍କ ଅଭିଯୋଗ ମୁତାବକ ଏହି ମାମଲା ରୁଜୁ କରାଯାଇଥିବା ଜଣାପଡିଛି । ଥାନା ରୁଜୁ ହୋଇଥିବା FIRରେ ଦର୍ଶାଯାଇଛି ଯେ, ଶକ୍ତି ମଲ୍ଲିକଙ୍କ ହତ୍ୟା ଷଡଯନ୍ତ୍ର ପଛରେ ବିହାରର ପୂର୍ବତନ ଉପ ମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ବୀ ଯାଦବଙ୍କ ହାତ ରହିଛି ।
ରବିବାର ଶକ୍ତିଙ୍କୁ ତିନି ଦୁର୍ବୃତ୍ତ ଘରେ ପସି ଅଚାନକ ଗୁଳି କରିଥିଲେ । ତାଙ୍କୁ ସାଙ୍ଗେ ସାଙ୍ଗେ ହସ୍ପିଟାଲରେ ଭର୍ତ୍ତି କରାଯାଇଥିଲେ ବି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ମାମଲା ରୁଜୁ ପରେ ତଦନ୍ତ ଚାଲୁଥିବା ସ୍ଥାନୀୟ ଏସପି କହିଛନ୍ତି ।