କୃଷି ଆଇନକୁ ବିରୋଧ, ବିଫଳ କେନ୍ଦ୍ର-କୃଷି ସଂଗଠନର ଆଲୋଚନା

କେନ୍ଦ୍ର ସରକାରଙ୍କ ତିନୋଟି କୃଷି ଆଇନକୁ ନେଇ କ୍ରମାଗତ ଭାବେ ବିବାଦ ଜାରି ରହିଛି। ପଞ୍ଜାବ, ହରିୟାଣା ସମେତ ଉତ୍ତର ଭାରତର ଅନେକ ରାଜ୍ୟରେ ବିରୋଧ ପ୍ରଦର୍ଶନ କରାଯାଉଛି ।

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ତିନୋଟି କୃଷି ଆଇନକୁ ନେଇ କ୍ରମାଗତ ଭାବେ ବିବାଦ ଜାରି ରହିଛି। ପଞ୍ଜାବ, ହରିୟାଣା ସମେତ ଉତ୍ତର ଭାରତର ଅନେକ ରାଜ୍ୟରେ ବିରୋଧ ପ୍ରଦର୍ଶନ କରାଯାଉଛି । ଏନେଇ ବୁଧବାର କେନ୍ଦ୍ର ସରକାର କୃଷକ ସଂଗଠନ ସହ ଆଲୋଚନା କରିଛନ୍ତି । ପଞ୍ଜାବର ମୋଟ 7ଟି କୃଷକ ସଙ୍ଗଠନ ଦିଲ୍ଲୀର କୃଷି ମନ୍ତ୍ରଣାଳୟରେ ପହଞ୍ଚି ସେଠାରେ ଅଧିକାରୀଙ୍କ ସହ ଏହି ଆଇନ ଉପରେ ଆଲୋଚନା କରିଛନ୍ତି ।

ତେବେ କେନ୍ଦ୍ର ଏବଂ କୃଷକ ସଂଗଠନ ମଧ୍ୟରେ ଆଲୋଚନାର ଫଳାଫଳ ବାହାରି ପାରିନି । ମନ୍ତ୍ରଣାଳୟରେ ଆଲୋଚନା ପରେ କୃଷକ ସଂଗଠନର ପ୍ରତିନିଧିମାନେ ବାହାରକୁ ଆସି କହିଥିଲେ ଯେ, ମନ୍ତ୍ରାଳୟ କେବଳ ଏହି ବିଲ୍ ଉପରେ ବିଶ୍ବାସ କରିବାକୁ କହିଥିଲେ ମାତ୍ର ବିବାଦୀୟ ବିଷୟ ଗୁଡିକ ହଟାଇବା ନେଇ କୌଣସି ତଥ୍ୟ ରଖିନଥିଲେ ।

କୃଷି ମନ୍ତ୍ରଣାଳୟ ପକ୍ଷରୁ ସଞ୍ଜୟ ଅଗ୍ରୱାଲ ଏହି ବୈଠକରେ ଉପସ୍ଥିତ ରହି ସଂଗଠନ ଗୁଡିକୁ ବୁଝାଇଥିଲେ । ପ୍ରକାଶଥାଉକି, ସଂସଦରେ ଏହି ଆଇନ ପାରିତ ହେବା ପରେ ବିବାଦ ଜାରି ରହିଛି । ବଜାର ବାହାରେ ଫସଲ ବିକ୍ରି, ଘରୋଇ ଚାଷ ପ୍ରତି ପ୍ରୋତ୍ସାହନ ଭଳି ନୂତନ କୃଷି ନିୟମ ଅନୁଯାୟୀ ପ୍ରସ୍ତାବ ଅଣାଯାଇଛି। ତେବେ ଅନେକ କୃଷି ସଂଗଠନ ଏବଂ ରାଜନୈତିକ ଦଳ ଏହି ନିୟମକୁ କୃଷକ ବିରୋଧୀ ବୋଲି କହୁଛନ୍ତି।