ନୂଆଦିଲ୍ଲୀ: କୃଷି ବିଲ 2020 ଲୋକସଭାରେ ପାରିତ ହେବା ପରେ ଆଜି ରାଜ୍ୟସଭାରେ ବିଲ ଆଗତ କରିଛନ୍ତି କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର । ରାଜ୍ୟସଭାରେ କୃଷି ବିଧେୟକ ଆଗତ କରିବା ସମୟରେ ମନ୍ତ୍ରୀ କହିଥିଲେ ଏହା ସମସ୍ତ କୃଷକଙ୍କ ଜୀବନଶୈଳୀକୁ ପରିବର୍ତ୍ତନ କରିବ । ସେପଟେ ଏହି ବିଲକୁ କଂଗ୍ରେସ ବିରୋଧ କରିବା ସହ ବିଲକୁ କୃଷକଙ୍କ ଡେଥ ୱାରେଣ୍ଟ କହି ଏହାକୁ ସମର୍ଥନ କରିବ ନାହିଁ ବୋଲି ଜଣାଇ ଦେଇଛି ।
ସେପଟେ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଶିବସେନା ଏବଂ ଏନସିପି ନେତାଙ୍କ ସହ ଫୋନ୍ ଯୋଗେ କଥା ହୋଇଛନ୍ତି । କୃଷି ବିଲ୍ ସମର୍ଥନ ଦେବାକୁ ନିବେଦନ କରିଥିବା ଜଣାପଡିଛି। ରାଜ୍ୟସଭାରେ ବିଜେପିର ସଂଖ୍ୟା ଗରିଷ୍ଠତା ନଥିବାରୁ ସରକାରଙ୍କୁ ଗୁରୁତ୍ୱପୂର୍ଣ୍ଣ ବିଲ୍ ପାସ୍ କରିବାକୁ ବିରୋଧୀଙ୍କ ଉପରେ ନିର୍ଭର ହେବାକୁ ପଡିଛି ।