ଭୁଲ କାଢିବା ପାଇଁ ଫେସବୁକ ଲଞ୍ଚ କରିବ ‘WES’

ସୋସିଆଲ ମିଡିଆରେ ବଢୁଥିବା ଅପରାଧକୁ ନେଇ ସଚେତନତା ପଦକ୍ଷେପ ସ୍ବରୂପ ଫେସବୁକ ଲଞ୍ଚ କରୁଛି ‘WES’ ବା ୱେବ ଏନାବୁଲ୍ଡ ସିମୁଲେସନ । ଏହି ପ୍ରୋଗ୍ରାମକୁ ପରୀକ୍ଷାମୂଳକ ଭାବେ ଲଞ୍ଜ କରାଯିବ ଯେଉଁଥିରେ ୟୁଜର୍ସ ସିଧାସଳଖ ଭାଗ ନେଇ ପାରିବେ । ଅଧିକ ପଢ଼ନ୍ତୁ...

ହାଇଦ୍ରାବାଦ: ଦିନକୁ ଦିନ ନୂଆ ନୂଆ ପ୍ରୋଗ୍ରାମ ସହ ଫେସବୁକ ଲଞ୍ଚ କରୁଛି ନୂଆ ଫିଚର । ହେଲେ ଏହି ଫିଚର ଯେ କେତେ ୟୁଜର ଫ୍ରେଣ୍ଡଲି ତାହା ଜାଣିବାରେ ଅକ୍ଷମ ଫେସବୁକ । ସେପଟେ ସୋସିଆଲ ମିଡିଆରେ ବଢୁଥିବା ଅପରାଧକୁ ନେଇ ସଚେତନତା ପଦକ୍ଷେପ ସ୍ବରୂପ ଫେସବୁକ ଲଞ୍ଚ କରୁଛି ‘WES’ ବା ୱେବ ଏନାବୁଲ୍ଡ ସିମୁଲେସନ । ଏହି ପ୍ରୋଗ୍ରାମକୁ ପରୀକ୍ଷାମୂଳକ ଭାବେ ଲଞ୍ଜ କରାଯିବ ଯେଉଁଥିରେ ୟୁଜର୍ସ ସିଧାସଳଖ ଭାଗ ନେଇ ପାରିବେ ।

ଏହି ପ୍ରୋଗ୍ରାମକୁ ଫେସବୁକ ପରି ହିଁ ଡିଜାଇନ କରାଯାଇଛି । ଏହା ଦେଖିବାକୁ ଫେସବୁକ ପରି ହିଁ ହେବ କିନ୍ତୁ ଏହା ଫେସବୁକ ନୁହେଁ । ଏହା ଏକ ସୋସିଆଲ ପ୍ଲାଟଫର୍ମ ବୋଲି ମଧ୍ୟ କୁହାଯାଇପାରେ । ଏଠାରେ ଲୋକେ ବିଭିନ୍ନ ସାମାଜିକ ବିଷୟକୁ ନେଇ ତର୍କ କରିପାରନ୍ତି । ଏହା ଏକ ଇଣ୍ଟରାକ୍ସନ ପ୍ଲାଟଫର୍ମ ଯେଉଁଥିରେ ଏକ ବିଷୟ ବା ଫିଚରକୁ ନେଇ ସମାଜର ପ୍ରତିକ୍ରିୟା ଗ୍ରହଣ କରାଯାଇପାରେ ।

ତେବେ ବେଳେବେଳେ ଏହା ୟୁଜର୍ସଙ୍କୁ କିଛି ଫେସବୁକ ଆକାଉଣ୍ଟକୁ ରିଡାଇରେକ୍ଟ କରିପାରେ କିନ୍ତୁ ଏହା କେବଳ ରିଡ ଓନଲି (read only) ଫର୍ମାଟରେ ହିଁ ରହିବ । ଯେଉଁଥିରେ ଆପଣ କେବଳ ଦେଖିପାରିବେ, ଆକ୍ସେସ କରିପାରିବେ ନାହିଁ । ଏହା ସୋସିଆଲ ମିଡିଆ ପରି ଦେଖାଗଲେ ବି ଏହାର କାର୍ଯ୍ୟକଳାପ ସୋସିଆଲ ମିଡିଆ ପରି ନୁହେଁ ।