ହାଇଦ୍ରାବାଦ: ଅନଲାଇନ ପଢିବା ଏବଂ ସମୟ କାଟିବା ପାଇଁ ସୋସିଆଲ ମିଡିଆରେ ଆକ୍ଟିଭ ରହିବା ହେତୁ ଆଜିକାଲି ପିଲାମାନଙ୍କ ଆଖି ଉପରେ ପଢୁଥିବା ପ୍ରଭାବ ବର୍ତ୍ତମାନ ବୃଦ୍ଧି ପାଇବାରେ ଲାଗିଛି । ତେଣୁ ଆଖିକୁ ଶରୀର ସହିତ ଫିଟ ରଖିବାର ଆବଶ୍ୟକତା ଅଛି । ଯୋଗ ମାଧ୍ୟମରେ ଏହା ସମ୍ଭବ ହୋଇଥାଏ। ଏକ ସରକାରୀ ସ୍ନାତକୋତ୍ତର ମହାବିଦ୍ୟାଳୟର ଡାକ୍ତର ଭାଷ୍କର ଶୁକ୍ଳା କହିଛନ୍ତି ଯେ, ଯୋଗ ଦ୍ବାରା ମୋଟା ଚଷମାରୁ ମୁକ୍ତି ପାଇପାରିବ।
ଡାକ୍ତର ଶୁକ୍ଲା କହିଛନ୍ତି ଯେ ଦିନକୁ ଥରେ ଆଖି ବ୍ୟାୟାମ କରିବା ଉଚିତ। ବ୍ୟାୟାମ ସହିତ ଆଖିକୁ ଦିନକୁ ତିନିରୁ ଚାରିଥର ଥଣ୍ଡା ପାଣିରେ ଧୋଇବା ଉଚିତ । ଥଣ୍ଡା ପାଣି ଆଖି ପାଇଁ ଅମୃତ ପରି ହୋଇଥାଏ । ଭିଟାମିନ ଏ ଅଭାବ ହେତୁ ଆଖି ମଧ୍ୟ ଦୁର୍ବଳ ହୋଇଯାଏ । ତେଣୁ ଭିଟାମିନ୍ ଏ ରେ ଭରପୂର ଖାଦ୍ୟ ଯେପରିକି କ୍ଷୀର, ଆମ୍ବ, ଅମୃତଭଣ୍ଡା, ଗାଜର, ପାଳଙ୍ଗ ଶାଗ ଇତ୍ୟାଦି ପର୍ଯ୍ୟାପ୍ତ ପରିମାଣରେ ଖାଇବା ଉଚିତ ।