ଭୋପାଳ: ଦୀର୍ଘ ଦିନ ଧରି ଚାଲିଥିବା କ୍ୟାବିନେଟ ଶୂନ୍ୟ ଶାସନର ପଡିପାରେ ଅନ୍ତ । ମଧ୍ୟପ୍ରଦେଶକୁ ମିଳିପାରେ ନୂଆ କ୍ୟାବିନେଟ ସରକାର । ମଙ୍ଗଳବାର ରାଜ୍ୟ କ୍ୟାବିନେଟ ସମ୍ପ୍ରସାରଣ ହେବ ବୋଲି ବିଶ୍ବସ୍ତ ସୂତ୍ରରୁ ସୂଚନା ମିଳିଛି ।
ସୂଚନାଯୋଗ୍ୟ ଯେ 25 ଦିନ ଧରି ମଧ୍ୟପ୍ରଦେଶ ସରକାର ବିନା କ୍ୟାବିନେଟରେ କାମ କରୁଛନ୍ତି । କେବଳ ମୁଖ୍ୟମନ୍ତ୍ରୀଙ୍କ ଛଡା ଅନ୍ୟ କେହି ମନ୍ତ୍ରୀମଣ୍ଡଳ ନିଯୁକ୍ତି ପାଇନାହାନ୍ତି । ମାର୍ଚ୍ଚ 23ରେ ରାଜ୍ୟର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ବିଜେପିର ଶିବରାଜ ସିଂହ ଚୌହ୍ବାନ । କଂଗ୍ରେସର କମଲନାଥ ସରକାର ସଂଖ୍ୟା ଗରିଷ୍ଠତା ହରାଇବା ପରେ ବହୁମତ ପାଇ ପୁଣି ସରକାର ଗଢିଥିଲେ ଶିବରାଜ । ସାଂସଦ ଜ୍ୟୋତିରାଦିତ୍ୟ ସିନ୍ଧିଆ 22 ଜଣ ବିଧାୟକଙ୍କ ସହ କଂଗ୍ରେସ ଛାଡି ବିଜେପିରେ ମିଶିବା ପରେ କମଲନାଥ ସରକାରଙ୍କୁ ବଡ ଝଟକା ଲାଗିଥିଲା । ଏହାପରେ ବିଧାନସଭାରେ ନିଜ ସଂଖ୍ୟାଗରିଷ୍ଠତା ହରାଇ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ କମଲନାଥ ।