ନୂଆଦିଲ୍ଲୀ: ମୋଦି 2.0ର ପ୍ରଥମ ପରୀକ୍ଷା ସୋମବାର ସରିଛି । ଏହି ପରୀକ୍ଷା ଫଳାଫଳ 24 ଅକ୍ଟୋବରେ ପ୍ରକାଶ ପାଇବ । ହରିୟାଣା ଓ ମହାରାଷ୍ଟ୍ର ବିଧାନସଭା ନିର୍ବାଚନରେ ମୋଦି ମ୍ୟାଜିକରେ କଂଗ୍ରେସ ଧରାଶାୟୀ ହେବ ନେଇ ଏକଜିଟ୍ ପୋଲ ପୂର୍ବାନୁମାନ କରିଛି ।
ମହାରାଷ୍ଟ୍ର ଓ ହରିୟାଣା ବିଧାନସଭା ନିର୍ବାଚନ ପରେ ବିଭିନ୍ନ ସଂସ୍ଥା ଦ୍ୱାରା ପ୍ରକାଶିତ ଏକଜିଟ୍ ପୋଲରେ ଏନେଇ ଅନୁମାନ କରାଯାଉଛି । କଂଗ୍ରେସ, ଏହାର ସହଯୋଗୀ ଓ ଅନ୍ୟାନ୍ୟ ଦଳକୁ ପଛରେ ପକାଇବ ବିଜେପି ।
EXIT POLLS: ହରିୟାଣା ବିଧାନସଭା ନିର୍ବାଚନ-2019
EXIT POLLS: ମହାରାଷ୍ଟ୍ର ବିଧାନସଭା ନିର୍ବାଚନ-2019
ଏଠାରେ ସୂଚନା ଯୋଗ୍ୟ ଯେ, ସୋମବାର ମହାରାଷ୍ଟ୍ରର 288 ଓ ହରିୟାଣାର 90ଟି ବିଧାନସଭା ଆସନ ପାଇଁ ମତଦାନ ହୋଇଥିଲା । ସଂଧ୍ୟା 6ଟା ସୁଦ୍ଧା ମହାରାଷ୍ଟ୍ରରେ 60.5% ପ୍ରତିଶତ ଓ ହରିୟାଣାରେ 65%ପ୍ରତିଶତ ମତଦାନ ହୋଇଛି । ମହାରାଷ୍ଟ୍ରରେ ବିଜେପି ଓ ଶିବସେନା ମିଳିତ ଭାବେ ନିର୍ବାଚନ ଲଢୁଥିବା ବେଳେ ହରିୟାଣାରେ ବିଜେପି ଏକାକୀ ଲଢୁଛି । ତେବେ ମହାରାଷ୍ଟ୍ର ପାଇଁ ବିଜେପି ଶିବସେନା ମେଣ୍ଟ ଏନସିପି ଓ କଂଗ୍ରେସ ମେଣ୍ଟ ସହ ଲଢୁଥିବା ବେଳେ ହରିୟାଣାରେ ବିଜେପି ଓ କଂଗ୍ରେସ ମଧ୍ୟରେ ସିଧାସଳଖ ଟକ୍କର ହେଉଛି ।
