ଶ୍ରୀନଗର: ଏଠାକାର ସୋପିଆନ ଜିଲ୍ଲାରେ ସୁରକ୍ଷାବଳ ଓ ଆତଙ୍କୀ ମଧ୍ୟରେ ଛକାପଞ୍ଝା ଜାରି ରହିଛି । ଏଥିରେ 2 ଜଣ ଯବାନ ଆହତ ହୋଇଥିବା ସୂଚନା ମିଳିଥିବାବେଳେ ଜୈଶ-ମହମ୍ମଦର 2ରୁ 3 ଜଣ ଆତଙ୍କୀଙ୍କୁ ଘେରାବନ୍ଦୀ କରିଛନ୍ତି ସୁରକ୍ଷାକର୍ମୀ । 34 ରାଷ୍ଟ୍ରୀୟ ରାଇଫଲ୍ସ, ଏସଓଜି ଓ ସିଆରପିଏଫର ସଂଯୁକ୍ତ ଟିମ ପକ୍ଷରୁ ସୋପିଆନ ଜିଲ୍ଲାର ପଣ୍ଡୁଶନ ଅଞ୍ଚଳରେ ଅପରେସନ ଜାରି ରହିଛି ।
ସୂଚନାଯୋଗ୍ୟ, ଗତ କିଛି ଦିନ ଜମ୍ମୁ-କାଶ୍ମୀର ଅଶାନ୍ତ ରହିଆସୁଛି । ଲଗାତାର ଉଭୟ ପକ୍ଷରୁ ମୁହଁତୋଡ ଜବାବ ଦିଆଯାଉଛି । ତେବେ ଗତକାଲି ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଥିଲା । ଏଥିସହିତ ବାନ୍ଦିପୋରା ଜିଲ୍ଲାର ଗୁରେଜ ସେକ୍ଟରର ନିୟନ୍ତ୍ରଣ ରେଖାରେ ଅନୁପ୍ରବେଶ କରୁଥିବା 3 ଆତଙ୍କବାଦୀଙ୍କୁ ଗତ ମଙ୍ଗଳବାର ସୁରକ୍ଷାବଳ ନିପାତ କରିଛି ।