ସୀମାରେ ହାଇ ଆଲର୍ଟ, ଗୁଳିବିନିମୟ ଜାରି

ସୀମାନ୍ତବର୍ତ୍ତୀ ଅଞ୍ଚଳରେ ପାକିସ୍ତାନର ଅସ୍ତ୍ରବିରତି ଉଲ୍ଲଙ୍ଘନ। ଏଥିଯୋଗୁଁ ହୋଇଥିବା ଗୁଳିବିନିମୟରେ ଜଣେ ଯବାନ ଆହତ । ସୀମାରେ ଏଭଲି ସ୍ଥିତି ଦେଖାଯିବା ପରେ ହାଇଆଲର୍ଟ ଜାରି କରାଯାଇଛି ।

ଶ୍ରୀନଗର: ପୁଣିଥରେ ଅଶାନ୍ତ ହୋଇଉଠିଛି ଭାରତ-ପାକ୍ ସୀମା । ଜାମ୍ମୁ କାଶ୍ମୀର ଅନନ୍ତନାଗ ଜିଲ୍ଲାରେ ସୁରକ୍ଷା କର୍ମୀ ଓ ଆତଙ୍କବାଦୀ ମଧ୍ୟରେ ଜାରି ରହିଛି ଗୁଳିବିନିମୟ। ଏନେଇ ସ୍ଥାନୀୟ ଅଞ୍ଚଳରେ ହାଇ ଆଲର୍ଟ ଜାରି କରିାଯାଇଛି । ସେହିପରି ଆଜି ସକାଳେ ଏଠାକାର ପୁଞ୍ଚ ସେକ୍ଟରରେ ହୋଇଥିବା ଗୁଳିବିନିମୟରେ ଜଣେ ଯବାନ ଆହତ ହୋଇଛନ୍ତି। ଗତକିଛି ଦିନଧରି ପାକ୍ ପଟୁ ବାରମ୍ବାର ସୀମାରେ ଅସ୍ତ୍ରବିରତି ଉଲ୍ଳଙ୍ଘନ କରାଯାଉଛି।

ଖବର ଅନୁଯାୟୀ, ଗତ 12 ତାରିଖରେ ଅନନ୍ତନାଗରେ ହୋଇଥିବା ଆକ୍ରମଣରେ ଗୁରୁତର ଆହତ ହୋଇଥିବା ଜଣେ ପୋଲିସ ଅଫିସର ଆଜି ସକାଳେ ଶହୀଦ ହୋଇ ଯାଇଛନ୍ତି । ତେବେ ଏହି ଆକ୍ରମଣରେ 5 ଜଣ ସିଆରପିଏଫ ଯବାନ ପ୍ରାଣ ହରାଇବା ସହ 3 ଜଣ ଆହତ ହୋଇଥିଲେ । ଆତଙ୍କବାଦୀଙ୍କ ଆକ୍ରମଣରେ ଶହୀଦ ହୋଇଥିବାନ ସିଆରପିଏଫ ଯବାନ ହେଉଛନ୍ତି ଏସଆଇ ରମେଶ କୁମାର(ହରିୟାଣା), ଏସଆଇ ନିରୋଦ ଶର୍ମା (ଆସାମ), ସିଟି ସତେନ୍ଦ୍ର କୁମାର ଏବଂ ସିଟି ମହେଶ କେଆର କୁଶୱାହା (ଉତ୍ତରପ୍ରଦେଶ) ଏବଂ ସିଟି ସନ୍ଦୀପ ଯାଦବ (ମଧ୍ୟପ୍ରଦେଶ) ।