ଲକ୍ଷ୍ନୌ: ଲକ୍ଷ୍ମୀପୁର ଖେରୀର ସିଙ୍ଗାହୀ ଅଞ୍ଚଳରେ 3 ବର୍ଷର ଶିଶୁକୁ ଦୁଷ୍କର୍ମ ଓ ହତ୍ୟା ଘଟଣାର ଅଭିଯୁକ୍ତକୁ ଏନକାଉଣ୍ଟର ପରେ ଗିରଫ କରିଛି ଉତ୍ତରପ୍ରଦେଶ ପୋଲିସ । ଶିଶୁକନ୍ୟାକୁ ଦୁଷ୍କର୍ମ ପରେ ଗଳା କାଟି ହତ୍ୟା କରିଥିଲା ଅଭିଯୁକ୍ତ । ତେବେ ଶିଶୁଟିର ମୃତ ଦେହ ଗୁରୁବାର ଆଖୁ କିଆରୀରେ ମିଳିଥିଲା ।
ଶିଶୁକନ୍ୟାକୁ ଦୁଷ୍କର୍ମ ଓ ହତ୍ୟା ଘଟଣା: ଅଭିଯୁକ୍ତକୁ ଏନକାଉଣ୍ଟର ପରେ ଗିରଫ କଲା ୟୁପି ପୋଲିସ
ଜଣେ ବରିଷ୍ଠ ଅଧିକାରୀଙ୍କ ସୂଚନା ଅନୁଯାୟୀ ମୁଖ୍ୟ ଅଭିଯୁକ୍ତକୁ ନିଘାସନ ଅଞ୍ଚଳର ବାମହନପୁର ଗାଁ ପାଖରେ ଏନକାଉଣ୍ଟର ପରେ ଗିରଫ କରାଯାଇଛି । ଅଭିଯୁକ୍ତର ଗୋଡରେ ଗୁଳି ବାଜିଥିବା ବେଳେ ଚିକିତ୍ସା ପାଇଁ ତାକୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଅଭିଯୁକ୍ତ ଜଣଙ୍କ ପୋଲିସ ଠାରୁ ବଞ୍ଚିବା ପାଇଁ ଆଖୁ କିଆରୀରେ ଲୁଚି ରହିଥିଲା ।