କୁଲଗାମ ଏନକାଉଣ୍ଟରରେ 3 ଆତଙ୍କୀ ସଫା, ଅପରେସନ ଜାରି

ସୁରକ୍ଷା କର୍ମୀ ଓ ଆତଙ୍କୀଙ୍କ ମଧ୍ୟରେ ଜାମ୍ମୁ କାଶ୍ମୀର କୁଲଗାମର ନାଗନାନ୍ଦ- ଚିମର ଅଞ୍ଚଳରେ ଏନକାଉଣ୍ଟର। ଏଥିରେ 3 ଅଜ୍ଞାତ ଆତଙ୍କୀ ନିପାତ ହୋଇଛି।

ଶ୍ରୀନଗର: ସୀମାରେ ଅଶାନ୍ତି। ସକାଳୁ ଆରମ୍ଭ ହୋଇଯାଇଛି ଗୁଳିବର୍ଷଣ। ସୁରକ୍ଷା କର୍ମୀ ଓ ଆତଙ୍କୀଙ୍କ ମଧ୍ୟରେ ଜାମ୍ମୁ କାଶ୍ମୀର କୁଲଗାମର ନାଗନାନ୍ଦ- ଚିମର ଅଞ୍ଚଳରେ ଏନକାଉଣ୍ଟର ଜାରି।

ଏଥିରେ 3 ଅଜ୍ଞାତ ଆତଙ୍କୀ ନିପାତ ହୋଇଛନ୍ତି । ତେବେ ଆତଙ୍କୀର ପରିଚୟ ମିଳିନଥିବା ବେଳେ ଏନେଇ ଅଧିକ ସନ୍ଧାନ ଜାରି ରହିଛି। ଉକ୍ତ ସ୍ଥାନରୁ ବିଭିନ୍ନ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ସମେତ ସାମଗ୍ରୀ ଜବତ କରାଯାଇଛି। ସର୍ଚ୍ଚ ଅପରେସନ୍ ଚାଲିଛି।

ବର୍ତ୍ତମାନ ଘଟଣାସ୍ଥଳରେ ପୋଲିସ ଓ ସୁରକ୍ଷା କର୍ମୀ ଉପସ୍ଥିତ ଅଛନ୍ତି। ଏନେଇ ସମସ୍ତ ସୂଚନା ଜାମ୍ମୁକାଶ୍ମୀର ପୋଲିସ ଦେଉଛି। ଅଧିକ ଖବର ପାଇଁ ଅପେକ୍ଷା କରନ୍ତୁ।

ସୂଚନା ଥାଉକି, ଜୁଲାଇ 5ରେ କୁଲଗାମର ଆରିହା ଗ୍ରାମରେ ହୋଇଥିବା ଏନକାଉଣ୍ଟରରେ 2 ଜଣ ଆତଙ୍କୀ ସଫା ହୋଇଥିଲା।

@ANI