ଶ୍ରୀନଗର: ଜମ୍ମୁ-କାଶ୍ମୀରର ପୁଲୱାମା ଜିଲ୍ଲାରେ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଜାରି । ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କୀ ନିପାତ । ଏଥିସହ ଜଣେ ଯବାନ ଶହୀଦ ହୋଇଛନ୍ତି । ବର୍ତ୍ତମାନ ଉକ୍ତ ଅଞ୍ଚଳରେ ଜୋରଦାର ସର୍ଚ୍ଚ ଅପରେସନ ଜାରି ରହିଛି ।
ସୂଚନାଯୋଗ୍ୟ, ଗୁପ୍ତଚର ଏଜେନ୍ସିଙ୍କୁ ପୁଲୱାମା ଜିଲ୍ଲାର କମରାଜିପୋରାର ଏକ ବଗିଚାରେ କିଛି ଆତଙ୍କୀ ଲୁଚି ରହିଥିବା ଖବର ମିଳିଥିଲା । ଏହାର ସୂଚନା ମିଳିବା ପରେ ରାତି 02.30 ସମୟରେ ସୁରକ୍ଷାବଳ ସମ୍ପୃକ୍ତଙ୍କ ଅଞ୍ଚଳରୁ ଘେରି ଯାଇ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଆତଙ୍କବାଦୀ ମାନେ ଭାରତୀୟ ସେନାଙ୍କ ଦ୍ବାରା ଘେରାବନ୍ଦୀ ହେବାର ଜାଣି ଗୁଳିମାଡ କରିଥିଲେ । ଯାହାର ଜବାବ ଦେବାକୁ ସେନା ମଧ୍ୟ ଗୁଳି ଚଳାଇଥିଲା । ବର୍ତ୍ତମାନ ଏହି ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି । ଘଟଣାସ୍ଥଳରୁ ଏକେ-47, ଗ୍ରେନେଡ ଏବଂ ଅନ୍ୟାନ୍ୟ ଆପତ୍ତିଜନକ ଜିନିଷ ମଧ୍ୟ ଉଦ୍ଧାର କରାଯାଇଥିଲା। ଯାହାକୁ ପୋଲିସ ଜବତ କରିନେଇଛି ।