ଜୟପୁର: ରାଜସ୍ଥାନ ରାଜନୀତିରେ ଦେଖାଦେଇଥିବା କ୍ଷମତା ଯୁଦ୍ଧ ମଧ୍ୟରେ ଆଜି ମୁଖ୍ୟମନ୍ତ୍ରୀଙ୍କ ବଡଭାଇ ଘରେ ଇଡି(ପ୍ରବର୍ତ୍ତନ ନିର୍ଦ୍ଦେଶାଳୟ)ର ଚଢାଉ । ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ବଡଭାଇ ଅଗ୍ରସେନ ଗେହଲଟଙ୍କ ଘରେ ଇଡି ଚଢାଉ କରିଛି ।
ମୁଖ୍ୟମନ୍ତ୍ରୀଙ୍କ ବଡଭାଇଙ୍କର ଜୟପୁର ସ୍ଥିତ ବାସଭବନରେ ଇଡି ଚଢାଉ କରିଛି । ସବୁଠାରୁ ବଡକଥା ହେଉଛି ଇଡିର ଅଫିସର ମାନେ ପିପିଇ କିଟ୍ ପିନ୍ଧି ଚଢାଉ କରୁଥିବା ଦେଖିବାକୁ ମିଳିଛି । ସେପଟେ ପାଲିର ପୂର୍ବତନ ସାଂସଦ ବଦ୍ରିରାମ ଜାଖଡଙ୍କ ବାସଭବନରେ ମଧ୍ୟ ଇଡି ଚଢାଉ କରିଥିବା ସୂଚନା ମିଳିଛି । ପୂର୍ବରୁ ମଧ୍ୟ ମୁଖ୍ୟମନ୍ତ୍ରୀଙ୍କ ସମ୍ପର୍କୀୟଙ୍କ ଘରେ ଆୟକର ବିଭାଗ ଚଢାଉ କରିଥିଲା ।