ନୂଆଦିଲ୍ଲୀ: ଆଜି (ଗୁରୁବାର) ଦିଲ୍ଲୀ ୟୁନିଭର୍ସିଟି ଛାତ୍ର ସଂଘ(ଡିୟୁଏସୟୁ)ର ନିର୍ବାଚନ । ଚାରି ଗୋଟି ପଦ ନିମନ୍ତେ ଗୁରୁବାର ଭୋଟ ଗ୍ରହଣ କରାଯିବ । ଆସନ୍ତା 13 ତାରିଖରେ ଫଳାଫଳ ଘୋଷଣା କରାଯିବ । ଏହି ମତଦାନ ପ୍ରକ୍ରିୟାରେ 1.3ଲକ୍ଷରୁ ଉର୍ଦ୍ଧ୍ବ ଛାତ୍ରଛାତ୍ରୀ 52ଟି ମତଦାନ କେନ୍ଦ୍ରରେ ନିଜର ମତାଧିକାର ସାବ୍ୟସ୍ତ କରିବେ । ସମସ୍ତ ଭୋଟିଂ ସେଣ୍ଟରକୁ ଇଭିଏମ୍ ମେସିନ ବୁଧବାର କଡା ସୁରକ୍ଷାରେ ପହଞ୍ଚା ଯାଇଥିବା କହିଛନ୍ତି ଦିଲ୍ଲୀ ବିଶ୍ବବିଦ୍ୟାଳୟର ନିର୍ବାଚନ ଅଧିକାରୀ ଅଶୋକ ପ୍ରସାଦ ।
ଚଳିତ ନିର୍ବାଚନରେ କଂଗ୍ରେସ ସମର୍ଥିତ ନ୍ୟାସନାଲ ଷ୍ଟୁଡେଣ୍ଟ ୟୁନିଅଫ ଅଫ ଇଣ୍ଡିଆ(ଏନଏସୟୁଆଇ) ଅଧ୍ୟକ୍ଷ ପଦ ପାଇଁ ଦୀର୍ଘ 11ବର୍ଷ ପରେ ଜଣେ ମହିଳା ପ୍ରାର୍ଥୀ ନିର୍ବାଚନ ମୈଦାନ ଓହ୍ଲାଇଛନ୍ତି । ଚଳିତ ବର୍ଷ ନିର୍ବାଚରେ ପ୍ରତିଦ୍ବନ୍ଦିତା କରୁଥିବା ସମସ୍ତ 16 ପ୍ରର୍ଥୀଙ୍କ ମଧ୍ୟରୁ କେବଳ 4ଜଣ ମହିଳା ପ୍ରାର୍ଥୀ ରହିଛନ୍ତି ।