ୱାଶିଂଟନ: ଗାଡିର ବ୍ରେକ ବଦଳରେ ଏକ୍ସିଲେଟର ଉପରେ ପଡିଗଲା ଗୋଡ । ଆଉ ତା’ପରେ ଗାଡି ଯାଇ ସିଧାସଳଖ ନଦୀ ଭିତରେ । ଏପରି ଏକ ଘଟଣା ଘଟିଛି ଆମେରିକାର ନ୍ୟୁ ଜର୍ସିରେ ।
ବ୍ରେକ ବଦଳରେ ମାଡିଦେଲେ ଏକ୍ସିଲେଟର, ଆଉ ତା’ପରେ...
ଗାଡିର ବ୍ରେକ ବଦଳରେ ଏକ୍ସିଲେଟର ଉପରେ ପଡିଗଲା ଗୋଡ । ଆଉ ତା’ପରେ ଗାଡି ଯାଇ ସିଧାସଳଖ ନଦୀ ଭିତରେ । ଏପରି ଏକ ଘଟଣା ଘଟିଛି ଆମେରିକାର ନ୍ୟୁ ଜର୍ସିରେ।
break
ଘଟଣାଟି ମଙ୍ଗଳବାର ଅପରାହ୍ନର । ନିକଟରେ ଥିବା ସିସିଟିଭିରେ ଏହି ସମଗ୍ର ଘଟଣାଟି କଏଦ ହୋଇଥିଲା । ଜଣେ 64 ବର୍ଷିୟା ମହିଳା ଗାଡି ଚଲାଇ ଯାଉଥିବାବେଳେ ଏହି ଘଟଣା ଘଟିଥିଲା । ଭୁଲବଶତଃ ସେ ଗାଡିର ବ୍ରେକ ବଦଳରେ ଏକ୍ସିଲେଟର ଉପରେ ପାଦ ପକାଇ ଦେଇଥିଲେ । ସୌଭାଗ୍ୟବଶତଃ ଗାଡିର ଗତି ଧୀର ଥିଲା । ତେବେ ଏକ୍ସିଲେଟର ମାଡିଦେବାରୁ ଗାଡିଟି ନିୟନ୍ତ୍ରଣ ବାହାରକୁ ଚାଲଯାଇଥିଲା । ଆଉ ସିଧା ଯାଇ ପାଖରେ ଥିବା ନଦୀ ଭିତରେ ବୁଡିଯାଇଥିଲା ।
ତେବେ ଏହି ଘଟଣାରେ ମହିଳା ସାମାନ୍ୟ ଆହତ ହୋଇଛନ୍ତି । ତାଙ୍କ ସହ ଗାଡିରେ ତାଙ୍କ ଝିଅ ମଧ୍ୟ ଥିଲା । ହେଲେ ଆଶ୍ଚର୍ଯ୍ୟର କଥା ତାଙ୍କୁ କୌଣସି ଆଘାତ ହୋଇନାହିଁ । ପାଖରେ ଥିବା ଲୋକେ ଉଭୟଙ୍କୁ ନଦୀରୁ ଉଦ୍ଧାର କରିଥିଲେ । ପାଣି ଭିତରେ କାରଟି ବୁଡିନଯାଇ ଭାସୁଥିବାବେଳେ ସେମାନଙ୍କୁ ଉଦ୍ଧାର କରାଯାଇଥିଲା । ପରେ ଅଗ୍ନିଶମ ବିଭାଗ ଆସି କାରଟିକୁ ପାଣିରୁ ବାହାର କରିଥିଲା । ତେବେ ଗାଡିଟି ସିଧାସଳଖ ଯାଇ ନଦୀରେ ବୁଡିବାର ଦୃଶ୍ୟ ଭାଇରାଲ ହୋଇଛି ।