ସ୍ବଚ୍ଛତା ପାଇଁ ହ୍ୟାଣ୍ଡ ସାନିଟାଇଜର ପ୍ରସ୍ତୁତ କଲା ଡିଆରଡିଓ

ହ୍ୟାଣ୍ଡ ସାନିଟାଇଜର ଓ ବିଶୋଧନ ପ୍ରସ୍ତୁତ କରିବାକୁ ଅଣ୍ଟା ଭିଡିଛି ଡିଆରଡିଓ । ଚଟାଣ ସଫା କରିବା ପାଇଁ ବିଶୋଧନ ପ୍ରସ୍ତୁତ କରି ସମସ୍ତ ସରକାରୀ ସଂସ୍ଥାକୁ ଯୋଗାଇଛନ୍ତି । ଅଧିକ ଖବର ପଢନ୍ତୁ...

ନୂଆଦିଲ୍ଲୀ: ସ୍ବଚ୍ଛତା କରିବ କୋରୋନା ବିନାଶ । ସ୍ବଚ୍ଛ ରୁହନ୍ତୁ ସୁସ୍ଥ ରୁହନ୍ତୁ । ଏନେଇ ହାତ ମୁହଁକୁ କିଛି ଘଣ୍ଟା ବ୍ୟବଧାନରେ ଧୋଇବା ପାଇଁ who(ବିଶ୍ବ ସ୍ବାସ୍ଥ୍ୟ ସଙ୍ଗଠନ )ପକ୍ଷରୁ ନିର୍ଦ୍ଦେଶ ନାମା ଜାରି ହୋଇଛି । ଏପଟେ ବଜାରରେ ମଧ୍ୟ ସାନିଟାଇଜର ଓ ମାସ୍କର ଅଭାବୀ ବିକ୍ରି ଦେଖିବାକୁ ମିଳିଛି ।

ଆବଶ୍ୟକ ପରିମାଣର ସାନିଟାଇଜର ନଥିବାରୁ ଏବେ ହ୍ୟାଣ୍ଡ ସାନିଟାଇଜର ଓ ବିଶୋଧନ ପ୍ରସ୍ତୁତ କରିବାକୁ ଅଣ୍ଟା ଭିଡିଛି ଡିଆରଡିଓ । କେବଳ ସେତିକି ନୁହେଁ ହ୍ୟାଣ୍ଡ ସାନିଟାଇଜର ମଧ୍ୟ ପ୍ରସ୍ତୁତ କରିଛି ଡିଆରଡିଓ ।

ତେବେ ଚଟାଣ ସଫା କରିବା ପାଇଁ ବିଶୋଧନ ପ୍ରସ୍ତୁତ କରି ସମସ୍ତ ସରକାରୀ ସଂସ୍ଥା,ଜଟିଳ ବ୍ୟବହାର ପାଇଁ ପ୍ରତିରକ୍ଷା ମନ୍ତ୍ରଣାଳୟ, ସେନା, ବାୟୁସେନା ଏବଂ ନୌସେନାରେ ମଧ୍ୟ ଯୋଗାଇ ଦିଆଯାଇଛି ।

ବିଶୋଧନର ବୃହତ ପରିମାଣରେ ଉତ୍ପାଦନ କରିବାକୁ ପ୍ରୟାସ ଚାଲିଛି । ଏନେଇ ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନର ଅଧିକାରୀ ସୂଚନା ଦେଇଛନ୍ତି ।