ବାଲେଶ୍ବର: ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ ଘାଟିର 3 ନମ୍ବର ଲଞ୍ଚପ୍ୟାଡରୁ ପରୀକ୍ଷା ହେଲା ମିଡିୟମ ରେଞ୍ଜ୍ ସର୍ଫେସ୍ ଟୁ ଏୟାର ମିସାଇଲ୍ ସିଷ୍ଟମ (MRSAM) । ଅପରାହ୍ନ 3ଟା 55 ମିନିଟରେ ଏହି ପରୀକ୍ଷଣ କରାଯାଇଛି । ପରୀକ୍ଷା ସମୟରେ ଖଞ୍ଜା ଯାଇଥିବା ରାଡାରରୁ ମିଳିଥିବା ତଥ୍ୟକୁ ପ୍ରତିରକ୍ଷା ବୈଜ୍ଞାନିକମାନେ ସମୀକ୍ଷା କରୁଛନ୍ତି ।
ସିଧାସଳଖ ଟାର୍ଗେଟ ହିଟ୍ କଲା ମିସାଇଲ୍ MRSAM
MRSAMକୁ ପୂର୍ବରୁ ବହୁବାର ପରୀକ୍ଷା କରାଯାଇଥିଲେ ମଧ୍ୟ ଏହାର ଲକ୍ଷ୍ୟଭେଦ କ୍ଷମତା, ଦୀଗ ଓ ବେଗକୁ ନେଇ ବିକଶିତ କରାଯାଇଛି । DRDO ଓ ଇସ୍ରାଏଲ୍ ଏରୋସ୍ପେଶ୍ ଇଣ୍ଡଷ୍ଟ୍ରୀଜର ମିଳିତ ପ୍ରୟାସରେ ବିକଶିତ ହୋଇଥିଲା ମିସାଇଲ୍ MRSAM । ଚଳିତ ଥର MRSAMରେ ସ୍ବେଦଶୀ ଜ୍ଞାନ କୌଶଳ ବ୍ୟବହାର କରାଯାଇଛି । ମିସାଇଲରେ ବ୍ୟବହାର ହୋଇଥିବା ଇଞ୍ଜିନ୍ ସହିତ କେତେକ ସ୍ବତନ୍ତ୍ର ଭାବେ ଭାରତୀୟ ଜ୍ଞାନ କୌଶଳରେ ନିର୍ମିତ ଯନ୍ତ୍ରାଂଶ ମଧ୍ୟ ଖଞ୍ଜା ଯାଇଛି ।