ନୂଆଦିଲ୍ଲୀ: ତୃତୀୟ ମେଣ୍ଟକୁ ନେଇ ସାରା ଦେଶର ପାଣିପାଗ ଚଳଚଞ୍ଚଳ । ଏତେ ବର୍ଷ ଭିତରେ ପ୍ରଥମ ଥର ଏହି ମେଣ୍ଟ ବିଜେପି ଓ କଂଗ୍ରେସକୁ ଟକ୍କର ଦେବା ଭଳି ସ୍ଥିତିରେ ଅଛି । ତେବେ ମହାମେଣ୍ଟ ଦଳ ଉପରେ କୌଣସି ପ୍ରଭାବ ପକାଇବନି ବୋଲି ବିଜେପି କହି ଆସୁଥିବାବେଳେ ଏବେ କଂଗ୍ରେସ ଏନେଇ ପ୍ରତିକ୍ରିୟା ରଖିଛି ।
କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ ତୃତୀୟ ମେଣ୍ଟ ଉପରେ କୌଣସି ପ୍ରତିକ୍ରିୟା ଦେବାକୁ ମନା କରି କହିଛନ୍ତି ଯେ ଆମେ କେବଳ ଗୋଟିଏ ମେଣ୍ଟ । ଅନ୍ୟ ମେଣ୍ଟ କଥା ଜାଣିନାହୁଁ । ଏବେ କଂଗ୍ରେସ କେବଳ ଗୋଟିଏ ମେଣ୍ଟ । ବାକି ଯାହା ନିଷ୍ପତ୍ତି ତାହା ସଭାପତି ରାହୁଲ ଗାନ୍ଧୀ ନେବେ । ସୋନିଆ ଗାନ୍ଧୀ ସମସ୍ତଙ୍କ ସହ ବୈଠକ କରିସାରିଛନ୍ତି । ଏହା ଉପରେ ଶେଷ ନିଷ୍ପତ୍ତି ରାହୁଲ ନେବେ ବୋଲି ସେ କହିଛନ୍ତି ।