ନୂଆଦିଲ୍ଲୀ: କୋରୋନା ଭାଇରସକୁ ହାଲୁକାରେ ଗ୍ରହଣ ନ କରିବାକୁ ଲୋକଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅନୁରୋଧ କରିଛନ୍ତି । ବୈଜ୍ଞାନିକମାନେ ଏକ ଟିକା ପ୍ରସ୍ତୁତ ନକରିବା ପର୍ଯ୍ୟନ୍ତ ମାସ୍କ ପିନ୍ଧିବା ଏବଂ ସାମାଜିକ ଦୂରତା ବଜାୟ ରଖିବା ନିୟମ ପାଳନ କରନ୍ତୁ ବୋଲି ମୋଦି ଆହ୍ବାନ କରିଛନ୍ତି ।
ସେ କହିଛନ୍ତି, ‘ ଆପଣମାନଙ୍କଠାରୁ ଆମେ କିଛି ଆଶା କରୁଛୁ । ତାହା ହେଉଛି ମାସ୍କ ପିନ୍ଧିବା ସହ ସାମାଜିକ ଦୂରତା ପାଳନ କରନ୍ତୁ ’ । ସେ ଆହୁରି ମଧ୍ୟ କହିଛନ୍ତି ଯେ, ‘ସୁରକ୍ଷିତ ରୁହନ୍ତୁ ଓ ସୁସ୍ଥ ରୁହନ୍ତୁ । ପରିବାରର ବରିଷ୍ଠ ନାଗରିକଙ୍କ ଯତ୍ନ ନିଅନ୍ତୁ, ଏହା ଗୁରୁତ୍ବପୂର୍ଣ୍ଣ ଅଟେ । କୋରୋନା ଭାଇରସକୁ ହାଲୁକା ଭାବେ ଗ୍ରହଣ କରନ୍ତୁ ନାହିଁ ’ ।