ନୂଆଦିଲ୍ଲୀ: ଦିଲ୍ଲୀ ଆପୋଲୋ ହସ୍ପିଟାଲର ଡାକ୍ତରମାନଙ୍କୁ ଏକ ବିଶେଷ ସଫଳତା ମିଳିଛି । ଜଣେ 52 ବର୍ଷୀୟ ମହିଳାଙ୍କ ଶରୀରରୁ 50 କିଗ୍ରାର ଏକ ଟ୍ୟୁମର ସଫଳତାର ସହ ବାହାର କରାଯାଇଛି । ଡାକ୍ତରୀ ଟିମଙ୍କ ସାଢେ ତିନି ଘଣ୍ଟାର ଅପରେସନ ପରେ ଏହା ସଫଳ ହୋଇପାରିଛି ।
ଦିଲ୍ଲୀର ଜଣେ ମହିଳାଙ୍କର ଓଭାରିଆନ ଟ୍ୟୁମର ହୋଇଥିବାବେଳେ ଏହାର ଚିକିତ୍ସା ପାଇଁ ଡାକ୍ତରମାନଙ୍କୁ ବିଶେଷ ତତ୍ତ୍ବାବଧାନରେ ଅପରେସନ କରାଯାଇଥିବା ହସ୍ପିଟାଲର ଜଣେ ଅଧିକାରୀ ପ୍ରକାଶ କରିଛନ୍ତି ।
ଏହି ମହିଳା ଜଣଙ୍କର ଗତ କିଛି ମାସ ଧରି ଓଜନ ବଢିବାରେ ଲାଗିଥିଲା । ଫଳରେ ତାଙ୍କର ଓଜନ 106କୁ ବୃଦ୍ଧି ପାଇଥିଲା । ସେ ନିକଟରେ ନିଶ୍ୱାସ ନେବାରେ ଅସୁବିଧା, ତଳ ପେଟରେ ଯନ୍ତ୍ରଣା ସହ ଚାଲିବା ଏବଂ ଶୋଇବାରେ ଅସୁବିଧା ଭୋଗିଥିଲେ ବୋଲି ଡାକ୍ତରଖାନା ପକ୍ଷରୁ କୁହାଯାଇଛି।