ଶ୍ରୀନଗର: ଜମ୍ମୁ କାଶ୍ମୀର ସୁରକ୍ଷାକୁ ଦୃଷ୍ଟିରେ ରଖି ପଞ୍ଚମ ଦିନ ପାଇଁ କର୍ଫ୍ୟୁ ଜାରି ରହିଛି । ଫଳରେ ସାଧାରଣ ଜନଜୀବନ ଉପରେ କିଛି ମାତ୍ରାରେ ସମସ୍ୟା ଦେଖାଦେଇଛି । ଲୋକମାନଙ୍କୁ ଘରୁ ବାହାରିବା ପାଇଁ ନିର୍ଦ୍ଦେଶ ନଥିବାବେଳେ ରୋଗୀମାନଙ୍କ ଉପରେ ପ୍ରଭାବ ପଡିଥିବା ଦେଖିବାକୁ ମିଳିଛି ।
ଭିଡ଼ିଓ ସୌଜନ୍ୟ: ଇଟିଭି ଭାରତ
ଡାକ୍ତରଖାନାରୁ ରୋଗୀ ଭଲ ହୋଇ ବାହାରୁଥିଲେ ମଧ୍ୟ ଘରକୁ ଯିବାରେ ସମସ୍ୟା ଦେଖାଦେଇଛି । ଯିବାଆସିବା କରିବା ପାଇଁ ଗାଡ଼ି ମଧ୍ୟ ମିଳୁନାହିଁ । ଏପରିକି କର୍ଫ୍ୟୁ ଫଳରେ ଆମ୍ବୁଲାନ୍ସ ସେବା ମଧ୍ୟ ସ୍ବାଭାବିକ ହୋଇପାରୁନାହିଁ ।
ତେବେ ଜଣେ ରୋଗୀଙ୍କ ସମ୍ପର୍କୀୟ ଇଟିଭି ଭାରତକୁ କହିଛନ୍ତି, ପ୍ରତିଟି ଗଳିରେ ସେନା ନିୟୋଜିତ ରହିଛନ୍ତି । ବିନା ଯାଞ୍ଚରେ ଗୋଟିଏ ପାଦ ମଧ୍ୟ ଯିବାକୁ ଦେଉନାହାନ୍ତି । ସହରର ଗଳିକନ୍ଦିରେ ସେନା ଯାଞ୍ଚ କରୁଛନ୍ତି । ଆମ୍ବୁଲାନ୍ସ ମଧ୍ୟ ମିଳୁନାହିଁ ଘରକୁ ଯିବାପାଇଁ । ବ୍ୟାପକ ଯାଞ୍ଚ ଓ ତନଖୀ କାରଣରୁ ଆମ୍ବୁଲାନ୍ସ ଡ୍ରାଇଭର ମଧ୍ୟ ଯିବାକୁ ରାଜି ହେଉନାହିଁ ବୋଲି ସେ କହିଥିଲେ ।