ବ୍ରହ୍ମପୁର: ବିଭିନ୍ନ ଦାବି ନେଇ ବ୍ରହ୍ମପୁର ସହରର ସାଉଥକୋ ମୁଖ୍ୟ କାର୍ଯ୍ୟାଳୟ ଘେରାଉ କଲେ ବିକାଶ ପରିଷଦର କର୍ମକର୍ତ୍ତା । ଯେଉଁଥିରେ ସାଧାରଣ ଜନତାଙ୍କୁ ବିଭାଗର ଶୋଷଣକୁ ଏହି ଅବସରରେ ସମାଲୋଚନା କରାଯାଇଛି ।
ବିଭିନ୍ନ ଦାବୀ ନେଇ ସାଉଥକୋ କାର୍ଯ୍ୟାଳୟ ଘେରାଉ କଲେ ବିକାଶ ପରିଷଦର କର୍ମକର୍ତ୍ତା
ମୁଖ୍ୟତଃ ସାଉଥକୋ ପକ୍ଷରୁ ପ୍ରସ୍ତୁତ ଏପ୍ରିଲ ଓ ମେ ମାସର ବିଦ୍ୟୁତ୍ ଶୁଳ୍କରେ ବେନିୟମ ଭାବରେ ବର୍ଦ୍ଧିତ କରାଯାଇ ଯେଉଁ ବିଦ୍ୟୁତ ବିଲ୍ ପ୍ରସ୍ତୁତ କରାଯାଇଛି ତାହା ତୁରନ୍ତ ନିୟମ ଅନୁଯାୟୀ ସଂଶୋଧିତ ବିଲ୍ ଉପଭୋକ୍ତା ମାନଙ୍କୁ ନଦେବା ପର୍ଯ୍ୟନ୍ତ ଉପଭୋକ୍ତା ମାନେ ବିଲ ପୈଠ କରନ୍ତୁ ନାହିଁ ବୋଲି ଆହ୍ବାନ କରାଯାଇଛି । ଏପରିକି ସାଉଥକୋ ପକ୍ଷରୁ ଉପଭୋକ୍ତା ମାନଙ୍କ ଘରେ ଲଗାଇ ଦିଆଯାଇଥିବା ମିଟର ଗୁଡିକର କ୍ରୟମୂଲ୍ୟ ୧୮୦ ଟଙ୍କା ମଧ୍ୟରେ ହୋଇଥିବା ବେଳେ ଏଥିପାଇଁ ମାସିକ ୪୦ ଟଙ୍କା ହିସାବରେ ଉପୋଭକ୍ତା ମାନଙ୍କ ଠାରୁ ବେନିୟମ ଭାବରେ ୨୨୦୦ ଟଙ୍କା ନିଆଯାଉଥିବାରୁ ତାହା ତୁରନ୍ତ ବନ୍ଦ କରି ବଳକା ଟଙ୍କା ଫେରସ୍ତ କରିବା ଭଳି ଦଶ ଦଫା ଦାବି ନେଇ ଏହି ବିକ୍ଷୋଭ କରାଯାଇଥିଲା ।